web counter
LEXO PA REKLAMA!

SHKARKO APP

App Store
Google Play

E fundit!

x

"Fitojmë 3-0 në Madrid”, pronari i Çelsit bën parashikimin e pabesueshëm dhe acaron tifozët e tij

12 Prill 2023, 18:05, Sport CNA

Klubi i Çelsit po kalon një nga sezonet më të vështira të dekadave të fundit, teksa nuk po arrin që të bëhet protagonist në kampionatin anglez duke qenë shumë larg kreut dhe garës për një vend në Europë, pavarësisht shpenzimeve marramendëse të pronarëve të rinj.

Një situatë që ka sjellë fillimisht në largimin e Tomas Tuhel nga pankina e më pas edhe të Graham Poter, me ekipin që i është besuar në mënyrë të përkohshme deri në fund të sezonit Frenk Lampard. Skuadra ka arritur gjithsesi të shkojë deri në çerekfinalet e Ligës së Kampioneve, teksa sot luan ndeshjen e parë përballë Real Madrid, në shtëpinë e këtyre të fundit.

Duke parë situatën në klub, tifozët e Çelsit kanë frikë turpërimin. Por Tod Bohli, pronari amerikan i klubit, i ka çuditur të gjithë me parashikimin që ka bërë sot duke folur për mediat.

“Çelsi do të fitojë 3-0 sonte. U them tifozëve që të kenë shumë besim. Ne e shohim këtë si një proces afatgjatë, kemi ende shumë punë për të bërë. Ne kemi shumë besim te e ardhmja, e ardhmja jonë do të jetë e shndritshme”, tha Bohli.

Një prononcim që ka pasur efektin e kundërt pasi video është shpërndarë me shpejtësi në rrjet duke marrë kritika edhe nga tifozët e Çelsit të cilët e vlerësojnë si të tepruar këtë lloj optimizmi që duket tërësisht larg realitetit.





Lajmet e fundit nga