web counter
LEXO PA REKLAMA!

SHKARKO APP

App Store
Google Play

Rekord historik, atletet e legjendës Jordan shiten në ankand për një shifër të pabesueshme

12 Prill 2023, 09:41, Sport CNA

Rekord historik, atletet e legjendës Jordan shiten në ankand për

Kulti i Michael Jordan ka arritur një rekord të pabesueshëm në ankandin e një palë atletesh, “Air Jordan”, që u shitën për më shumë se 2.2 milionë dollarë.

Kjo shifër tejkalon atë të paguar në vitin 2021 për atletet “Nike Air Ships” që Michael Jordan veshi në ndeshjen e tij të parë të sezonit të rregullt në NBA.

“Shitja rekord e sotme tregon më tej se kërkesa për veshjet sportive të Michael Jordan vazhdon të tejkalojë dhe kapërcejë të gjitha pritshmëritë,” tha Brahm Wachter, kreu i “Sotheby’s”.

Atletet tashmë historike “Air Jordan XIII", të cilat u hodhën në ankand nga Sotheby’s, janë ato të veshura nga Michael Jordan në pjesën e dytë të ndeshjes së dytë të finaleve të NBA 1998, e njohur si “Last Dance” (Vallëzimi i fundit).

Në atë ndeshje, Chicago Bulls mundi Utah Jazz 93-88 me 37 pikë, 5 “rebound”, 3 asistime të Michael Jordan, me rezultatin që u barazua në 1-1. Jordan fitoi për herë të gjashtë unazën e NBA-së dhe u shpall MVP i finaleve.





Lajmet e fundit nga