web counter
LEXO PA REKLAMA!

SHKARKO APP

App Store
Google Play

E fundit!

x

Trajneri Arbeloa njofton largimin nga Real Madrid-i

22 Maj 2026, 15:19, Sport CNA

Trajneri Arbeloa njofton largimin nga Real Madrid-i

Siç edhe pritej te Real Madrid-i, trajneri Alvaro Arbeloa ka konfirmuar largimin e tij në fund të sezonit.

Trajneri spanjoll deklaroi se ndeshja ndaj Athletic Bilbao-s do të jetë e fundit e tij në drejtimin e skuadrës madrilene. Arbeloa mori drejtimin e ekipit në janar, pas largimit të Xabi Alonso-s, në një moment të vështirë për klubin.

Në deklaratën e tij, ish-mbrojtësi theksoi se gjatë gjithë periudhës ka vendosur interesat e Real Madrid-it mbi ambiciet personale. Ai shtoi se ndihet gati për një sfidë të re pas eksperiencës së fituar gjatë katër muajve të fundit në stol.

“Kam qenë me Real Madrid-in për 20 vjet në shumë role të ndryshme. Kjo do të jetë ndeshja ime e fundit këtë sezon si trajner i Real Madrid-it dhe nuk e di nëse do të jetë e fundit e jetës sime si trajner i Real Madrid-it. Do të përpiqem ta shijoj dhe të përqendrohem te fitorja. Duke filluar nga e hëna, do të duhet të mendoj për atë që është më e mira për mua. Kam bërë hapin tjetër, jam përmirësuar shumë në këta katër muaj dhe ndihem gati për sfida të reja”, tha Arbeloa.

Ndërkohë, në Spanjë po flitet gjithnjë e më shumë për rikthimin e Jose Mourinho-s në krye të “Los Blancos”. Portugezi shihet si kandidati kryesor për të nisur një cikël të ri në Madrid. Arbeloa largohet pas një lidhjeje 20-vjeçare me klubin, ku ka shërbyer si lojtar, trajner dhe pjesë e akademisë.





Lajmet e fundit nga