E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Toni Kros, gjermani i vetëm me 5 Champions-e: Ju tregoj pse Real Madridi dominon në Europë

10 Qershor 2022, 14:54, Sport CNA

Kur Toni Kros flet duhet të ulesh, të marrësh kokoshka dhe ta dëgjosh atë që thotë ose në këtë rast, ta lexosh, sikur do të jepte një pasim 50 metra me klasin e tij në fushë. Pse? Thjesht sepse kur hap gojën, nuk kursehet. Në një mënyrë apo tjetër, ai e mbështet faktin që është njeri i futbollit.

Këtë e ka dëshmuar edhe një herë në intervistën e realizuar nga revista gjermane “Kicker”, në të cilën ka bërë një përmbledhje të shkurtër të së shkuarës për të kaluar në një analizë më se interesante të së tashmes, si të vetë Kros, ashtu edhe të Real Madridit.

Pasi kujtoi idhullin e tij të fëmijërisë (Johan Micoud) dhe kujtimin e parë të Ligës së Kampionëve (finalja e vitit 1999 në Barcelonë, mes Bajernit dhe Mançester Junajtidit), Toni Kros vazhdoi të merrej me çështje të tilla si renditjet që përcaktojnë lojtarët më të mirë, me të cilat nuk është 100% dakord.

“Ka kaq shumë lojtarë në çdo gjeneratë që kanë arritur gjëra të mëdha. Më vjen në mendje Clarence Seedorf, i cili fitoi Champions League me tri klube të ndryshme. Nuk ka dyshim se Kristiano është një nga më të mirët në histori.

E njëjta gjë vlen edhe për Leo Mesin. Unë nuk e shoh këtë qasje me të mirë, sepse është e vështirë të krahasosh çfarë bën dikush tani në fushë dhe si ka ndryshuar loja gjatë dekadave”, – shpjegoi Toni Kros, i cili tashmë është gjermani i parë me pesë Champions League.

Tri prej tyre ishin radhazi nën urdhrat e Zidane. Gjermani nuk e kishte problem të deshifronte asnjë nga sekretet e një suksesi të tillë: “Zinedine Zidane e menaxhoi shumë mirë grupin, në të cilin kishte një cilësi jashtëzakonisht të lartë. Dhe gjithmonë kishte një skuadër, jo 11 miq, por 11 lojtarë që dhanë gjithçka për të pasur sukses”.

Në futboll duhet edhe pak fat për të arritur në majë: “Nuk mund të luash 13 ndeshje perfekte në një kompeticion kaq cilësor. Duhet të mësosh të mbijetosh në situata të ndryshme”.

Sa u përket finaleve të Champions League, me Real Madridin i ka fituar të gjitha. Kjo është kryesisht për shkak të shokëve të skuadrës që ka. Mbi të gjitha, treshja që formon ai vetë me Modriç dhe Kasemiro. Gjermani pretendon se e plotësojnë njëri-tjetrin në mënyrë perfekte:

“Secili prej nesh i di saktësisht karakteristikat e tij dhe i vendos ato në përputhje me rrethanat në mënyrë të tillë që të punojnë së bashku. Ne plotësojmë njëri-tjetrin në fushë, sepse duam të luajmë së bashku dhe të kemi sukses së bashku. Kemi një ekip të mrekullueshëm rreth nesh që mbrohet prapa dhe të ekzekuton përpara”.