web counter
LEXO PA REKLAMA!

SHKARKO APP

Jo vetëm Mane, Bayern Munchen tenton edhe yllin e Premier League

10 Qershor 2022, 11:13, Sport CNA

Bayern Munchen vazhdon të insistojë për shërbimet e Sadio Manesë, por marrëveshja financiare me Liverpulin nuk po arrihet, edhe pse sulmuesi senegalez ka vendosur të nisë një tjetër aventurë në karrierë pas gjashtë viteve në “Anfield”.

Kampionët e Gjermanisë kanë nevojë edhe për një qendërsulmues. Robert Levandovski kërkon largimin, teksa ka arritur një akord me Barcelonën, që pritet të jetë skuadra e radhës e goleadorit polak.

Emri i fundit që ka dalë në skenë për majën e sulmit të ekipit të Julian Nagelsmanit, është Heri Kejn, kapiteni i Totenhemit dhe i kombëtares angleze.

Antonio Konte nuk ka ndërmend të humbasë 28-vjeçarin anglez. Drejtuesit e Totenhemit po punojnë për t’i rinovuar kontratën që i përfundon në vitin 2024.

Ndërkohë, Bajerni po monitoron situatën. Drejtuesit e rekordmenëve të futbollit gjerman kanë nisur kontaktet e para me homologët anglezë dhe së shpejti pritet të vijë oferta e parë zyrtare për Heri Kejnin, i cili cilësohet si pasuesi perfekt i Levandovskit.





Lajmet e fundit nga