web counter
LEXO PA REKLAMA!

SHKARKO APP

App Store
Google Play

E fundit!

x

Sonte ndaj Izraelit, Reja ka dilema për formacionin

10 Qershor 2022, 07:55, Sport CNA
Sonte ndaj Izraelit, Reja ka dilema për formacionin
Shqipëria pas golit ndaj Islandës

Shqipëria zbret sot sërish në fushë, teksa në mbrëmje, në orën 20:45 do të presë në "Air Albania" Izraelin, ndeshje e vlefshme për Ligën e Kombeve.

Me rikthimet e Brojës dhe Uzunit, si dhe mosaktivizimi i Nedim Bajramit dhe aktivizimi për pak minuta i Asllanit me Islandën, fusin në një lloj “stresi” trajnerin Edi Reja për formacionin që i duhet të hedhë sonte në fushë.

Cilësia e lojtarëve të Kombëtares është rritur dhe kjo përveçse është një gjë e mirë, nga ana tjetër sjell shumë dilema për italianin.

Vërtet ka rikthime në sulm, por Taulant Seferi shënoi ndaj Islandës, ndërkohë që Cikalleshi ishte pika e referimit përpara dhe Reja ka një preferencë për të.

Ndërkohë, një dyshim tjetër është një vend në mesfushë mes Bajramit dhe Çekiçit, ku njëri prej të dyve do të shoqërojë Gjasulën dhe Abrashin në këtë repart.

Teksa 20-vjeçari Kristjan Asllani është projektuar për në pjesën e dytë, për t’i dhënë një freski mesfushës.

Ndërkohë, mbrojtja mendohet që të mos pësojë ndryshime dhe lojtarët mbrojtës që do të jenë në stol duhet të kënaqen me aktivizimin në miqësoren me Estoninë ditën e hënë, 13 qershor.





Lajmet e fundit nga