web counter
LEXO PA REKLAMA!

SHKARKO APP

App Store
Google Play

Takaj: Skënderbeu do të rikthehet shumë shpejt në Superiore

9 Qershor 2022, 14:15, Sport CNA
Takaj: Skënderbeu do të rikthehet shumë shpejt në Superiore
Ardjan Takaj

E vështirë për t’u përtypur, por në Korçë e kanë pranuar tashmë realitetin: sezonin 2022-2023 do të militojnë në Kategorinë e Parë.

Të shumtë janë faktorët që çuan në rënien e Skënderbeut, por Presidenti Ardjan Takaj është i bindur për rikthimin e shpejtë në elitën e futbollit shqiptar.

"Jemi ende duke punuar në letër për të ndërtuar ekipin siç i ka hije Skënderbeut. Nuk kemi asnjë lëvizje konkrete për momentin. Do ta ndërtojmë fillimisht në letër e më pas do ta vëmë në zbatim.

Por që të jeni të qartë, lojtarët që janë në kontratë me Skënderbeun do të jenë pjesë e Skënderbeut edhe në sezonin që vjen.

Do të marrim edhe lojtarë nga elita, por gjithçka do të ketë radhën e vet. 

Skënderbeu vërtet do të jetë në të Parën, por do të ndërtojmë një ekip Superioreje. Për këtë të jeni të bindur. Do të jetë ekip superior sërish dhe do të tentojmë të kthehemi shpejt", tha Takaj.





Lajmet e fundit nga