web counter
LEXO PA REKLAMA!

SHKARKO APP

App Store
Google Play

Tetova kërkon vazhdimësi: Të mposhtim Teutën

14 Dhjetor 2024, 15:33, Sport CNA

Tetova kërkon vazhdimësi: Të mposhtim Teutën

Egnatia kërkon vazhdimësinë. Tre fitoret në pesë ndeshjet e fundit, i kanë dhënë rrogozhinasve vendin e parë, të cilin duan ta ruajnë edhe pas javës së 18-të.

Kampionët në fuqi, kanë një transfertë delikate këtë të diel, ndaj Teutës, një kundërshtar që i ka hapur probleme ekipit rrogozhinas.

Në konferencë për shtyp, trajneri i Egnatias, Edlir Tetova, deklaroi se kërkon vazhdimësi nga ekipi dhe të ruajnë vendin e parë në renditje.

“Vijmë nga disa ndeshje me rezultate të mira, shpresojmë të kemi vazhdimësi, jemi përgatitur për ndeshjen me Teutën. Grupi është i plotë përveç Malotës dhe Jahajasë që janë të dëmtuar. Skuadrat aty janë, kemi akoma shumë javë do luftojmë që ta mbrojmë vendin e parë. Mendoj të kemi vazhdimësi dhe çdo gjë të jetë në rrugë të mirë."

Teuta është kthyer në një mace të zezë për Egnatian, por trajneri Tetova shpreson ta thyejë këtë mallkim.

"Ka qenë një javë e gjatë, falë çunave kaluam mirë dhe shpresoj të jemi njësoj dhe këtë javë. Çdo 3 pikësh është shumë i rëndësishëm, duhet të fokusohemi në ndeshjet në vijim. Nuk kemi fituar me Teutën në asnjë ndeshje në drejtimin tim, shpresoj të ndodh e kundërta. Kontigjenti është i gatshëm të përballojë ndeshjen me Teutën."

Në fund tekniku foli edhe për ndryshimet në stadium, duke thënë se i shkojnë për shtat ekipit kampion.

"Jemi kampionët në fuqi, me investimet që janë bërë e meritojmë të kemi këtë stadium dhe shpresojmë sa më shumë tifozë të jenë të pranishëm. Momentin që ke një plan në kokë duhet të bindësh drejtuesit dhe gjithçka bëhet më e lehtë”, deklaroi ai."

Ndeshja Teuta-Egnatia, do të luhet ditën e diel, duke nisur nga ora 16:30, në stadiumin “Niko Dovana” të Durrësit.





Lajmet e fundit nga