web counter
LEXO PA REKLAMA!

SHKARKO APP

Sfida me Shqipërinë, trajneri i Serbisë: Jam i lumtur që do të luaj në Tiranë

13 Dhjetor 2024, 15:55, Sport CNA

Sfida me Shqipërinë, trajneri i Serbisë: Jam i lumtur që do

Shorti vendosi sërish Shqipërinë përballë Serbisë, për kualifikueset e Botërorit 2026.

Trajneri i serbëve, Dragan Stojkoviç, nuk bëri polemika, duke thënë se është i lumtur që do të luajë në Tiranë, duke treguar fokusin vetëm te futbolli.

“Seriozitet dhe profesionalizëm maksimal. Në pjesën fizike, taktike dhe psikologjike, përgatitjet duhet të jenë në nivelin më të lartë, jo vetëm për ndeshjen me Anglinë, por dhe ndaj Shqipërisë, Letonisë dhe Andorrës.

Një grup sfidues. Shqiptarët janë përmirësuar me lojën e tyre kohët e fundit dhe do të jenë kundërshtar i vështirë. Jam i lumtur që do të luajmë në Tiranë, në stadiumin e bukur ku finalja e Ligës së Konferencës u luajt. Jam i vetëdijshëm që publiku për këto duele do të jetë i interesuar për të tjera arsye. Një histori futbolli, një sfidë e mrekullueshme dhe një mundësi për dy ndeshje me kualitet”, u shpreh trajneri Stojkoviç.





Lajmet e fundit nga