web counter
LEXO PA REKLAMA!

SHKARKO APP

App Store
Google Play

Tebas nuk përmbahet: Real Madrid është klub qaramanësh, Perez dëshiron të kontrollojë gjithçka

24 Shkurt 2025, 14:50, Sport CNA

Tebas nuk përmbahet: Real Madrid është klub qaramanësh,

Javier Tebas ishte i ashpër ndaj Real Madrid, pas polemikave të shumta për gjykimin dhe ankesave të klubit spanjoll.

Në një intervistë të dhënë për “The Objective”, Tebas deklaroi se Real Madrid është klub qaraman, ndërsa thotë se presidenti i tyre, Florentino Perez dëshiron të kontrollojë gjithçka, madje edhe ndarjen e të ardhurave.

"Javët e fundit ka pasur shumë polemika në lidhje me arbitrimin. Real Madridi nxiti debatin, duke shkruar një histori të rremë dhe vë në pikëpyetje të gjithë futbollin. Kjo është një histori agresive dhe e manipuluar. Unë njoh shumë në Madrid që nuk pajtohen me Realin, një klub qaraman. Ata qajnë në fundjavë, do të qajnë sërish sipas mendimit të tyre fundjavën e ardhshme.

Nëse bëhet një sondazh, klubet e tjera mendojnë se Real Madrid dhe Barcelona janë më të ndihmuarit nga arbitrat. Perez përfaqëson futboll vetëm për të pasurit. Ai dëshiron që të vendosë gjithçka, edhe paratë që shpërndahen. Një pjesë te Reali po gabojnë duke thënë se gjithçka që bën Perez është në rregull. Klubi duhet të ketë opinion të pavarur. U gëzova kur Reali e fitoi Champions-in, unë jam një madrilen, por jo me Perez”, deklaroi Tebas.





Lajmet e fundit nga