E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Tonali drejt rikthimit në Itali, projektohet te rivalët e Milanit

23 Shkurt 2025, 15:18, Sport CNA

Juventusi po përgatitet për një tjetër revolucion në skuadër nëverë. Bardhezinjtë janë të vendosur të riparojnë disa nga vendimet e tyre të fundit në merkato, me mesfushën që pritet të jetë fokusi kryesor i ndryshimeve.

Pavarësisht se investuan shuma të konsiderueshme për të përforcuar këtë reaprt sezonin e kaluar, drejtuesit e Juventusit kanë mbetur të zhgënjyer nga rendimenti i Koopmeiners dhe Douglas Luiz. Të dy lojtarët u afruan me pritshmëri të larta, por performancat e tyre nuk kanë qenë në nivelin e duhur për një klub që synon të rikthehet në majat e futbollit italian dhe europian.

Koopmeiners, i cili u transferua nga Atalanta, shihej si një mesfushor i gjithanshëm që do të sillte kreativitet dhe ekuilibër, por ai nuk ka arritur të bëhet pika kyçe e skuadrës. Nga ana tjetër, Luiz, që u mor me një investim të madh nga Aston Villa, nuk ka bindur plotësisht në sistemin e lojës së Juventusit. Për këtë arsye, klubi po shqyrton seriozisht mundësinë e shitjes së njërit prej tyre, ose ndoshta edhe të dyve, për të riformatuarplotësisht mesfushën.

Juventusi ka një objektiv të qartë për të rikthyer cilësinë në repartin e mesit të fushës dhe mban emrin e Sandro Tonalit. Ish-mesfushori i Milanit është dëshira e madhe e drejtorit sportiv Xhuntoli, i cili do të tentojë ta kthejë në Serinë A pas një periudhe të vështirë në Angli.

Tonali u transferua te Newcastle në verën e vitit 2023 për një shifër të konsiderueshme, por aventura e tij në Premier League ka qenë larg pritshmërive. Fillimi i tij në Angli ishte premtues, por më pas erdhi pezullimi për shkelje të rregullave të basteve sportive, i cili e mbajti jashtë fushave për një kohë të gjatë. Me rikthimin e tij në futbollin aktiv, Njukastëll duket se është i hapur për negociata, sidomos nëse Juventusi ofron një formulë që i përshtatet financave të klubit anglez.

Nëse Motta konfirmohet si trajner për sezonin e ardhshëm, Tonali shihet si lojtari ideal për të udhëhequr mesfushën në sistemin e tij të lojës. Mota kërkon mesfushorë teknikisht të aftë, inteligjentë taktikisht dhe me aftësi për të kontrolluar ritmin e lojës.

Tonali ka treguar se është i aftë të dominojë mesfushën në Serinë A, siç bëri me Milanin në vitin 2022, që kulmoi me titullin kampion. Aftësia e tij për të mbuluar shumë terren, vizioni i lojës dhe ndihma në fazën mbrojtëse dhe sulmuese e bëjnë atë një profil të përkryer për atë që kërkon Mota në skemat e tij.

Për të bërë të mundur këtë transferim, Juventusi do të përpiqet të mbulojë pjesën më të madhe të shpenzimeve nga shitjet e Koopmeiners dhe Daglas Luiz.

Newcastle, nga ana tjetër, nuk do ta lërë lojtarin të largohet lehtë, pasi ka investuar shumë në të, por situata e tij në klub dhe pezullimi që e mbajti jashtë për një kohë të gjatë mund ta bëjnë këtë transferim më të realizueshëm.