web counter
LEXO PA REKLAMA!

SHKARKO APP

App Store
Google Play

E fundit!

x

Muçi me skuadër të re, Besiktas e largon sulmuesin shqiptar

23 Shkurt 2025, 13:31, Sport CNA

Muçi me skuadër të re, Besiktas e largon sulmuesin shqiptar

E ardhmja e Ernest Muçit te Beshiktashi duket gjithnjë e më e pasigurt. Pavarësisht pritshmërive të mëdha që u krijuan pas transferimit të tij nga Legia e Varshavës për një shifër rekord prej 10 milionë eurosh, talenti shqiptar nuk ka arritur të lërë gjurmë te skuadra turke.

Sipas mediave turke, Beshiktashi ka vendosur të ndahet me 23-vjeçarin shqiptar në fund të sezonit.

Drejtuesit e klubit kanë marrë tashmë vendimin për ta larguar në verë, duke u bazuar në faktin se Muçi nuk ka arritur të fitojë besimin e asnjërit prej tre trajnerëve që kanë drejtuar ekipin gjatë këtij sezoni.

Gjithçka nisi me trajnerin Van Bronkhorst, i cili u shkarkua në nëntor pas një periudhe të shkurtër në krye të ekipit. Më pas, drejtimin e mori përkohësisht Topraktepe, por as me të, Muçi nuk mundi të gjejë një rol të qartë në skuadër. Situata nuk ndryshoi as me ardhjen e Solskjer, i cili gjithashtu nuk e ka parë si një lojtar kyç në planet e tij.

Statistikat e Muçit nuk janë të këqija, por as të mjaftueshme për të bindur një klub të madh si Beshiktashi. Me 6 gola dhe 2 asistenë 28 ndeshje, ai ka pasur një ndikim të kufizuar në ekip, sidomos duke marrë parasysh minutazhin e tij relativisht të ulët. 

Largimi i Muçit nga Beshiktashi në verë është tashmë pothuajse i sigurt, por destinacioni i tij i ardhshëm mbetet ende një mister. Me moshën dhe talentin që zotëron, ai ende ka kohë për të rilindur në një kampionat tjetër ku mund të gjejë më shumë hapësira dhe stabilitet.

Për të, sfida kryesore do të jetë gjetja e një skuadre ku mund të luajë rregullisht dhe të tregojë vlerat e tij si lojtar ofensiv. Vetëm atëherë mund të arrijë të shfrytëzojë plotësisht potencialin e tij dhe të tregojë pse Beshiktashi dikur pagoi 10 milionë euro për shërbimet e tij.





Lajmet e fundit nga