web counter
LEXO PA REKLAMA!

SHKARKO APP

App Store
Google Play

Suarez mund të bashkohet sërish me Messin

20 Tetor 2023, 17:15, Sport CNA

Luis Suarez mund të bashkohet me Lionel Messin në Inter Miami në vitin 2024. 

Skuadra nga MLS dëshiron të vazhdojë projektin e tyre ‘mini Barcelona’ në Florida me ardhjen e Messit të ndjekur nga lëvizjet e ish-lojtarëve të katalanasve, Sergio Busquets dhe Jordi Alba.

Suarez më parë la të kuptohej se dëshira e tij ishte për tu transferuar në Miami, por ai mbetet ende në Gremio.

Trajneri i Inter Miami, Tata Martino konfirmoi se ata po bëjnë plane të mundshme transferimi, duke përfshirë një tentim transferimi për Suarez.

“Brenda analizës sonë për sezonin e ardhshëm dhe nevojave që mund të kemi, ne kemi një analizë me Luis Suarez dhe pa Luisi Suarez”, ka thënë fillimisht Martino për ESPN.

“Kur të vijë koha për të zyrtarizuar situatën e Suarez në Inter Miami, ne do të jemi të përgatitur të shkojmë në drejtimin përkatës”, përfundoi ai.

Gremio tashmë ka konfirmuar planin e tyre për ta liruar Suarezin më herët nga kontrata e tij, pasi arritën në një marrëveshje me ish-yllin e Barcelonës, i cili tani do të largohet nga klubi në dhjetor.

Një lëvizje në SHBA do të ishte gjithashtu e dobishme për Suarezin, në vitet e fundit të karrierës së tij, me uruguaianin që pranon se liga braziliane po e dëmton trupin e tij. 

 





Lajmet e fundit nga