web counter
LEXO PA REKLAMA!

SHKARKO APP

App Store
Google Play

Sot derbi i kryeqytetit, Tirana-Partizani premton spektakël dhe "luftë"

28 Prill 2024, 12:15, Sport CNA

Tirana dhe Partizani do të përballen mes tyre në derbin e kryeqytetit, në një sfidë ku spektakli është i garantuar.

Në ndeshje si kjo, skuadrat nuk kanë rezultat tjetër përveç fitores. Përballë njëri-tjetrit do të jenë ekipi me sulmin më të mirë në kampionat Tirana dhe Partizani që ka mbrojtjen më të mirë.

Pavarësisht renditjes, në derbi zerohet gjithçka dhe entuziazmi i tifozëve u jep ekipeve shtysë për të synuar përpara

Në “Air Albania” priten rreth 10-12 mijë tifozë, ku nuk do të mungojë spektakli i flakadanëve, apo edhe koreografitë para ndeshjes.

Dy skuadrat njihen për rivalitetin e madh mes tyre dhe për këtë arsye lufta sportive është e garantuar.

Tirana pritet të luajë me skemën 3-5-2, me bardheblutë që dëshirojnë të shfrytëzojnë kundërsulmin. Ky do të jetë derbi i parë për trajnerin Erbim Fagu, i cili synon fitoren.

Tirana ka shfaqur probleme të mëdha këtë sezon, ku rrezikon të mbetet jashtë katërshes së parë, por një fitore ndaj rivalëve të kryeqytetit, do të bënte që tifozët të harrojnë gjithçka.

Në krahun tjetër, edhe Partizani nuk vjen në formën më të mirë të mundshme, pasi renditet në vendin e tretë.

Trajneri Shehi ka planifikuar një formacion sulmues, ku do të kërkojë të gjejë golin sa më shpejt të jetë e mundur, për ta bërë ndeshjen më të lehtë.

Sfida mes Tiranës dhe Partizanit është planifikuar të luhet në orën 19:00, në stadiumin e kryeqytetit “Air Albania”.





Lajmet e fundit nga