web counter
LEXO PA REKLAMA!

SHKARKO APP

App Store
Google Play

E fundit!

x

Sondazh/ A duhet t'i zgjatet kontrata trajnerit Silvinjo?

25 Qershor 2024, 10:42, Sport CNA

Sondazh/ A duhet t'i zgjatet kontrata trajnerit Silvinjo?

CNA ka hapur një sondazh, ku pyet tifozët shqiptarë për të ardhmen e trajnerit Silvinjo në stolin e Shqipërisë.

Pyetja e drejtuar është: “A duhet t’i zgjatet kontrata trajnerit Silvinjo?”

CNA pyet tifozët dhe jep tri opsione për të shprehur mendimin: “Po”, “Jo”, “Nuk e di”.

Poll

Hapja e këtij sondazhi mori shkas nga reagimi i tifozëve pas eliminimit të Kombëtares shqiptare në "Euro 2024".

Shqipëria luajti në Europian për herë të dytë në histori, aty ku ishte pjesë e grupit të ashtuquajtur i “vdekjes”. Pavarësisht eliminimit, për kuqezinjtë janë thënë gjithmonë fjalë të mira për mënyrën e lojës dhe rastet e krijuara për shënim.

Në fakt, rrugëtimi i Kombëtares shqiptare nuk ishte i lehtë, pasi në kualifikuese u vendos në një grup shumë të vështirë, me ekipe si Polonia dhe Çekia, por skuadra ia doli të kualifikohet, madje edhe si e para e grupit.

Meritë e padiskutueshme për këtë ishte edhe e Silvinjos, por pas përfaqësimit në Europian, tifozët janë ndarë sa i përket mbështetjes së trajnerit.

Ka nga ata që e akuzojnë se ka gabuar me zgjedhjet e lojtarëve, që te lista fillestare, por edhe tek aktivizimi i munguar për disa lojtarë në "Euro 2024".

Ka shumë të tjerë që e mbështesin, duke ditur se ishte në një grup shumë të vështirë dhe Shqipëria më shumë se kaq nuk mund të bënte. Silvinjo ka drejtuar kuqezinjtë në 11 ndeshje zyrtare, ku numëron katër fitore, tri humbje dhe katër barazime./ CNA





Lajmet e fundit nga