web counter
LEXO PA REKLAMA!

SHKARKO APP

App Store
Google Play

Skënderbeu-Egnatia, Gjoka: Nuk kemi çfarë humbasim, më keq se kaq...

21 Shkurt 2025, 15:25, Sport CNA

Skënderbeu-Egnatia, Gjoka: Nuk kemi çfarë humbasim, më keq

Skënderbeu do të presë në shtëpi Egnatian, në një sfidë ku përballen dy ekipet e pozitave të kundërta. Rrogozhinasit vijnë si kryesues, ndërsa korçarët renditen në vendin e fundit.

Dy humbjet e fundit, ndaj rivialëve direktë, si Laçi dhe Tirana, e kanë përkeqësuar edhe më shumë situatën e skuadrës juglindore.

Këtë e pranoi në konferencë edhe trajneri Ernest Gjoka, i cili tha se po has vështirësi për të ndryshuar gjendjen e ekipit.

“Ishin dy humbje që nuk i kishim parashikuar. Ishin dy finale dhe nuk bëmë atë që kishim parashikuar. Na kanë futur në një stres të madh. Nuk kemi rrugë tjetër. Jemi munduar të ndryshojmë disa gjëra, por ende nuk kemi ndryshuar anën psikologjike. Një skuadër që të bëjë sukses, duhet të ketë anën mentale të fortë. Nuk po gjejmë çelësin për të hequr ndikimin nga skuadra.”

Gjoka refuzoi të fliste për arbitrimin, ndonëse pranoi se Skënderbeu është dëmtuar nga gjyqtarët këtë sezon.

Trajneri bardhekuq deklaroi se Egnatia është një skuadër me cilësi të mëdha, por shtoi se ekipi  tij nuk ka se çfarë të humbasë dhe pret maksimumin në fushë.

“E njohim kundërshtarin. Është një kundërshtar me cilësi dhe e organizuar mirë. Kanë lojtarë të mirë brenda. Ne nuk kemi çfarë të humbim. Më keq se kaq ne nuk kemi ku të shkojmë. Duhet të bëjmë tonën.”

Ndeshja Skënderbeu-Egnatia do të luhet të shtunën, duke nisur nga ora 17:00, në Korçë.





Lajmet e fundit nga