web counter
LEXO PA REKLAMA!

SHKARKO APP

App Store
Google Play

Silvinjo duhet ta shohë/ Ylli i Shqipërisë mahnit komentatorin me supergolin e shënuar

25 Janar 2023, 22:30, Sport CNA

Anis Mehmeti po shkëlqen në Angli me fanellën e Wycombe-t. Lojtari shqiptar shënoi përsëri mbrëmjen e djeshme, duke e treguar veten si protagonist në fushën e lojës.

Fjalë të mira dhe vlerësime kanë ardhur edhe nga komentatorët e ndeshjes. Danny Senda ka përgëzuar Mehmetin për gjakftohtësinë e shfaqur në fushë, si dhe për klasin e lartë në finalizmin e askionit.

“Gjakftohtësia e tij për të lexuar. Fillimisht topi shkon te Vokes, por Mehmeti ka besimin për të vrapuar pas tij. Më pas vetëpërmbajta për të ardhur nga brenda fushës. Finalizimi është i një klasi shumë-shumë të lartë. Një gol vërtetë i mirë“, ka thënë Danny Senda.

Anis Mehmeti është një nga futbollistët shqiptarë më në formë të momentit. Klubi i tij Ykombe, i ka vendosur epitetin “Mehmesi”, teksa talenti kuqezi po e justifikon mëse miri besimin që i është dhënë.

22-vjeçari nxori mbrëmjen e sotme nga repertori i tij një tjetër gol spektakolar, duke vënë dhe njëherë në pah klasin e tij.

Ky ishte goli i 9-të në 27 ndeshje për Anis Mehmetin, i cili gjithashtu ka regjistruar edhe 3 asiste dhe eshte bere protagonist per ekipin e tij.





Lajmet e fundit nga