web counter
LEXO PA REKLAMA!

SHKARKO APP

App Store
Google Play

Ortakëri të errëta të Juventusit, pesë skuadra rrezikojnë

25 Janar 2023, 22:10, Sport CNA

Ortakëri të errëta të Juventusit, pesë skuadra

“Manovra e pagave” e bën Juventusin të dridhet, por jo vetëm. Pas -15 pikëve që iu bë klubit të Juventusit për “çështjen e fitimeve kapitale”, Prokuroria Publike e Torinos ka hapur një dosje të vetme sa i përket pagave dhe këtu përfshihet edhe manovra e pagave, edhe të ashtuquajturat “partneritete opake” me disa klube.

Hetimi për këtë pjesë të dytë është drejt përfundimit dhe emrat e klubeve të përfshira nuk përmenden drejtpërdrejt, “mbi të gjitha” disa që do të ishin Sampdoria, Empoli, Udineze, Atalanta dhe Sasuolo.

Për momentin ka vetëm hipoteza, por pyetja që prokurorët e Torinos po i bëjnë vetes, duke analizuar materialin e mbledhur, është në marrëdhëniet mes Juventusit dhe këtyre klubeve, duke ngritur hipotezën e shkeljes së konkurrencës së ndershme.

Për prokurorët, “konkurrenca e ndershme” është rrezikuar duke theksuar “paqartësinë” e disa transaksioneve të tregut të transfertave të krijuara me “kushte të favorshme” për disa klube, të gjitha duke përmendur disa përgjime, përfshirë një nga Fabio Paratici, në atë kohë drejtori i Juventusit, me një menaxher të Pizës për blerjen e mundshme të Lorenzo Lukas: “Ti duhet të më japësh linjat, pastaj do të kujdesem për ta rregulluar atë. E bëra për Xhenoan, për Atalantën, për Sasuolon. Kur kam parametrat, atëherë rregulloj gjithçka. Nëse gjithçka shkon mirë, do të ketë shumë para për të gjithë”.

Sipas hetuesve, ka disa raste marrëveshjesh të cilësuara si të errëta. Huazimi i Demiralit përkufizohet nga Kerubini si “e rëndë vetëm formalisht”, pra e paguar zyrtarisht, por në realitet falas.

Ose nënshkrimi i Lokatelit nga Sasuolo për 25 milionë euro, sepse për hetuesit fsheh një shumë disa herë më të lartë blerjeje të pa regjistruar përmes bonuseve të thjeshta “Ndoshta do t’i japim një gjysmë vlerësimi…”.





Lajmet e fundit nga