web counter
LEXO PA REKLAMA!

SHKARKO APP

App Store
Google Play

Shpërblime dhe për Europën, zbulohen premiot e çmendura të Tiranës

3 Maj 2023, 18:13, Sport CNA

Shpërblime dhe për Europën, zbulohen premiot e çmendura

Tirana kampione sjell mil iona për klubin dhe mbush xhepat për lojtarët bardheblu. Tashmë dihet që shumë nga futbollistët kanë bonuset e tyre në rast fitoreje të titullit kampion. Ama presidenti Refik Halili në një mbledhje para disa kohësh ua ka bërë të qartë lojtarëve se në rast titulli dhe kualifikimi në Europë gjërat do të ndryshojnë. Veç premiove për titullin, skuadra mund të marrë shpërblim për kualifikimin në turin e parë të Champions-it.

Jo vetëm kaq, por edhe në rast kalimi në grupe skuadra do të shpërblehet. Presidenti i bardhebluve u ka thënë lojtarëve që çdo sukses në Europë do të shpërblehet dhe të gjithë do të jenë të kënaqur.

Në fakt, si në sezonin 2019-2020 edhe vjet shpërblimet për kualifikimin në Europë kanë qenë të mëdha, dhe skuadra kur u kualifikua mori shpërblim.

Edhe për fitoret kohët e fundit, drejtuesit e Tiranës kanë dhënë shpërblime. Në disa sfida, skuadra është shpërblyer me 10 milionë lekë të vjetër. Veprim ky që tregon se te bardheblutë mbështetja nuk mungon kurrë.

Në rast fitoreje të titullit, edhe këtë sezon lojtarët marrin 2 rroga ose 15% të kontratës, në varësi të marrëveshjes. Si zakonisht, presidenti Refik Halili në ndeshje të caktuara vë premio dhe vetëm vitin e titullit ai shpërndau dhjetëra miliona lekë.

Në kontratat me lojtarët ai parashikon bonuse në rast të fitimit të titullit kampion. Për shembull, sezonin e tri viteve më parë, Tirana u vuri në tavolinë lojtarëve 200 milionë lekë nëse fitonin titullin dhe 100 milionë lekë nëse shkonin në Europë.

Edhe këtë vit që fituan lojtarët mbushën xhepat sipas kontratës individuale që kishin me lojtarët. Nga ana tjetër, është bashkia që mund t’i japë skuadrës 150 milionë lekë nëse shpallet kampione.

Veprim ky që ka ndodhur shpeshherë këto vitet e fundit. Nuk mbetet këtu situata, sepse sa herë që Tirana luan në Europë, ajo merr bonuse në rast fitoreje.





Lajmet e fundit nga