web counter
LEXO PA REKLAMA!

SHKARKO APP

App Store
Google Play

Mbarojnë “pushimet” për Kategorinë e Parë/ Mësoni sfidat e javës së 25-të

3 Maj 2023, 15:29, Sport CNA

Mbarojnë “pushimet” për Kategorinë e Parë/

Skënderbeu dhe Dinamo kanë mbyllur llogaritë me Kategorinë e Parë. Si korçarët ashtu edhe Blutë e kryeqytetit kanë siguruar ngjitjen në Superiore pas një viti mungesë, kurse Besëlidhja dhe Tërbuni kanë rënë në Kategorinë e Dytë. Por kjo nuk do të thotë se gara në këtë kategori ka përfunduar. “Ujqërit e Dëborës” kanë shansin të shpallen kampionë të Kategorisë së Parë nesë fitojnë duelin e ditës së sotme ndaj Besës së Kavajës.

Tashmë skuadrat janë në luftë me njëra-tjetrën për të arritur zonën “play off” dhe zonën “play out". Flamurtari nuk ia doli të siguronte ngjitjen direkt në elitë dhe tashmë do të duhet të luftojë fort për zonën “play off”, teksa do të përballet në transfertë me Besëlidhjen. Interesante do të jenë Tomori-Korabi dhe Apolonia-Luzi, dy sfida direkte në zonën "play off", ndërsa takimi Burreli-Turbina do të jetë vendimtar në garën për mbijetesë.

Java e 25-të e Kategorisë së Parë do të luhet më 7 maj. FSHF-ja vendosi të lërë pushim fundjavën që kaloi skuadrat, pasi kërkon që të mbahet hapi i Superiores për fazën “play off”. Por tashmë kanë mbaruar pushimet për ekipet, të cilët do të zbresin ditën diel në fushën e lojës për të kërkuar edhe 3 pikët e kësaj jave. Të gjitha takimet do të nisin në të njëjtën orën, 15:00. Kujtojmë se Dinamo do të vazhdojë “pushimet” edhe këtë javë, pasi Tërbuni është dënuar nga Komisioni i Disiplinës.





Lajmet e fundit nga