web counter
LEXO PA REKLAMA!

SHKARKO APP

App Store
Google Play

Shkëmbimi i bujshëm/ Pogba te PSG-ja, te Juventusi vjen ylli i parisienëve

14 Mars 2023, 13:06, Sport CNA

Juventusi dëshiron të "heqë qafe" Pogbanë dhe me vendimin e mosgrumbullimit për ndeshjen ndaj Freiburgut, i marrë zyrtarisht për shkak të vonesës së francezit në darkën e zhvilluar para ndeshjes, ka nisur të përgatisë terrenin.

Në fund të fundit, një klub në rrezik të përjashtimit nga Kupat e Europës nuk mund të përballojë një lojtar me rrogë 8 milionë euro neto plus bonuse të garantuara.

Juvntusi mund të marrë rrugën e zgjidhjes së parakohshme të kontratës që skadon në vitin 2026 si mjeti i fundit. Megjithatë, zgjidhja e parë mund të jetë ajo e një shkëmbimi. 

Me kë? Me PSG-në, nëse Zidane, – një admirues i Pogbasë, – do të bindej nga Al-Khelaifi të ulej në stolin parisien në vend të Galtier, që duket se do të shkarkohet në fund të sezonit pas daljes së tij në 1/8-at Champions League nga Bayern Munich.

Me ndërmjetësimin e Pimentës, klubi bardhezi mund të përpiqet të realizojë një ‘shkëmbim’ në mënyrë të barabartë me një nga lojtarët që vështirë se do të jetë pjesë e planeve të ardhshme të Paris Saint-Germain dhe që tashmë janë vlerësuar nga Continassa për disa vite: po flasim për ish-lojtarin e Napolit, Fabian Ruiz.

Është tri vjet më i ri se Pogba dhe është paguar 25 milionë verën e kaluar, për këtë arsye klubi francez ka shumë mundësi të mos jetë dakord për shkëmbimin e barabartë. Me vlerësime të ndryshme (në avantazh të PSG-së) apo me formulën e huazimit reciprok, operacioni në aksin Torino-Paris mund të realizohet.





Lajmet e fundit nga