web counter
LEXO PA REKLAMA!

SHKARKO APP

Një argjentinas për Italinë, Mancini: Na tha po menjëherë

14 Mars 2023, 12:27, Sport CNA

Mateo Retegui ka lindur në Argjentinë, luan si qendërsulmues dhe është pjesë e Tigre. 23-vjeçari është me origjinë nga Italia dhe ka vendosur të veshë fanellën e kombëtares së kaltër.

Autori i gjashtë golave me skuadrën argjentinase, ka pranuar ftesën e Roberto Mancinit për të garuar me katër herë kampionët e botës. Një gjë të tillë e konfirmoi vetë tekniku i Italisë.

“Reteguin e ndjekim prej kohësh. Ai ka cilësi që neve na mungojnë. Menduam se nuk do të pranonte të vinte tek Italia. Por, ai kthehu menjëherë përgjigje pozitive”, deklaroi Mancini.

Italia nis në 26 mars eliminatoret e "Euro 2024". Të kaltrit presin Anglinë në “Diego Maradona”. Tri ditë më vonë do të sfidojnë Maltën në transfertë.

Skuadra e Mancinit është pjesë e Grupit C, aty ku përveç Anglisë dhe Maltës bëjnë pjesë edhe Maqedonia e Veriut dhe Ukraina.





Lajmet e fundit nga