E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

HISTORIKE!/ Milani me 11-she ndërkombëtare ndaj Salernitanës, për herë të parë në histori

14 Mars 2023, 11:02, Sport CNA

HISTORIKE!/ Milani me 11-she ndërkombëtare ndaj Salernitanës,

Historia gjithmonë tenton të përsëritet. Klubi i futbollit të Milanit pa dritën e ditës më 9 mars 1908, në restorantin 'Orologio' ('Ora'), në Piazza del Duomo, në orën 23:30.

115 vjet e katër ditë më vonë, Milani ka paraqitur njëmbëdhjetëshen e tij ndërkombëtare, si kurrë më parë. Stefano Pioli e nisi ndeshjen ndaj Salernitanës (1-1) me një formacion, në të cilin nuk kishte asnjë lojtar italian. Kjo është hera e parë që ndodh në të gjithë historinë e ‘kuqezinjve’ në Serinë A.

Aktivizimi i Bennacer në vend të Tonalit bëri që të mos kishte lojtarë 'vendas' në njëmbëdhjetëshen 'kuqezi'. Milani fillimisht u formua me katër francezë (Maignan, Kalulu, Theo Hernández dhe Giroud), një gjerman (Thiaw), një anglez (Tomori), një boshnjak (Krunic), një algjerian (Bennacer), një belg (Saelemaekers), një portugez ( Rafael Leao) dhe një spanjoll (Brahim Díaz).

Në stol, përveç Tonalit, ishin edhe pesë italianë të tjerë: Mirante (portier rezervë), Kalabria, Florenzi, Gabbia dhe Pobega. Për më tepër, Florenzi dhe Tonali hynë në lojë në 77' dhe 85' në vend të Saelemaekers dhe Bennacer, por ishte tepër vonë. Milani, për herë të parë në historinë e tij në Serinë A, prezantoi një njëmbëdhjetë pa lojtarë italianë.

Formacioni i Piolit konfirmon kritikat e fundit të Roberto Mancinit. "Ne kemi nevojë për të rinj në ekipet e të rriturve. Praktikisht askush nuk luan më në sulm. Nëse vazhdojmë kështu, do të duhet të nxjerrim lojtarë nga Seria C ose të kërkojmë vendas",- ka deklaruar trajneri i 'azzurrëve', i cili ka ngritur zërin për një dukuri të tillë, ku në skuadrat e Serisë A po mungojnë futbollistët e rinj italianë.