web counter
LEXO PA REKLAMA!

SHKARKO APP

App Store
Google Play

Shkëlqeu te skuadra e Ilir Dajës/ Ballkani zyrtarizon largimin e yllit të skuadrës

6 Gusht 2023, 14:03, Sport CNA

Albion Rrahmani nuk do të jetë më lojtar i Ballkanit në sezonin e ri. Talenti kosovar do të transferohet te Rapidi i Bukureshtit për të nisur kështu një aventurë të re në karrierën e tij futbollistike.

Lojtari pritet në orët e ardhshme t’iu nënshtrohet vizitave mjekësore, ndërsa në arkat e kampionëve të Kosovës që drejtohen nga Ilir Daja do të shkojnë plot 600 mijë euro.

Lajmin e ka bërë të ditur vetë klubi kampion nëpërmjet një postimi të gjatë në rrjetet sociale, ndërsa ka theksuar se Rrahmani do të mbetet në zemrat e çdo tifozi të Ballkanit, si dhe dera e kësaj skuadra është gjithmonë e hapur për të.

“Faleminderit Albion Rrahmani

Lamtumirat janë sa të dhimbshme, aq edhe të hidhura. Andaj sot ty kampioni ynë, foleja jote e përhershme, të thotë thjeshtë MIRUPAFSHIM!

Çdo gol që ke shënuar, do të mbetet në zemrat e secilit tifoz të FC Ballkanit, në zemrat e secilit prej nesh. Çdo minut që ke djersitur me vetëmohim fanellën e klubit, do të ruhet në kujtesën e pa shlyeshme, sepse kontributi yt ishte vlerë e madhe për rrugëtimin tonë të përbashkët.

Ndarjet janë të vështira, por kur ato bëhen për të nisur një rrugë të re, me perspektivë për të ardhmën e një futbollisti të këtij vendi, të gjithë bëhemi bashkë, në përkrahje të mundësive të reja të kampionëve tanë.

Faleminderit për angazhimin shembull në çdo ndeshje e në çdo rrethanë. Ti nuk e ke kursyer vetën asnjë çast, madje as atëherë kur ke ndjerë dhimbje në trupin tënd, ti ishe gjithmonë i gatshëm për t’i ndihmuar shokëve të skuadrës, në synimet drejt sukseseve tona, duke nderuar vetën, klubin dhe qytetin tone.

Ne jemi të bindur që karrierë e pasur të pret para, andaj të dëshirojmë sukseset më të mëdha të mundshme, kurse derën e familjes së madhe të FC Ballkanit, do ta kesh të hapur përjetësisht”, ka shkruar klubi.





Lajmet e fundit nga