web counter
LEXO PA REKLAMA!

SHKARKO APP

App Store
Google Play

E fundit!

x

Presidenti Perez drejt dorëheqjes? Reagon klubi i Real Madrid

5 Gusht 2023, 15:34, Sport CNA

Tronditet Reali i Madridit, por për momentin, asgjë nuk është e vërtetë. Të paktën kështu pretendon klubi spanjoll që ka nxituar të reagojë edhe zyrtarisht të shtunën pasdreke lidhur me dy spekulime që kishin të bënin me presidentin e klubit Florentino Perez. Në një deklaratë të shkurtër për shtyp, të botuar në faqen zyrtare në Internet të gjigandes spanjolle, thuhet se “të përballur me thashethemet që janë shpërndarë në rrjetet sociale se Presidenti Florentino Perez supozohej se po shqyrtonte të tërhiqej nga ky post, klubi i Realit të Madridit dëshiron të sqarojë se këto thashetheme janë krejtësisht të pavërteta dhe nuk kanë të bëjnë fare me realitetin”.

Në fakt, mediat kishin spekuluar edhe për faktin se qendra sportive stërvitore e klubit madrilen në Valdebebas do të merrte emrin e Florentino Perezit. Por në deklaratën e shkurtër të klubit të botuar të shtunën, në paragrafin e dytë sqarohet se një gjë e tillë gjithashtu nuk është e vërtetë, madje nuk është përfshirë fare në rendin e ditës së Asamblesë së klubit, që do të mbahet në tetor.

Megjithatë, fakti që klubi detyrohet të reagojë zyrtarisht, i ndërthurur me raportet e medieve, që theksojnë se trajneri Karlo Ançeloti është i pakënaqur me përgatitjet e skuadrës për sezonin e ri dhe pamundësinë e një zëvendësimi të duhur për të larguarin Karim Benzema, kanë bërë tek Reali i Madridit të ndjehen lëkundje.





Lajmet e fundit nga