web counter
LEXO PA REKLAMA!

SHKARKO APP

App Store
Google Play

E fundit!

x

Muçi drejt klubit të njohur spanjoll, trajneri i Legias: Mund ta shesim 25 milionë euro

5 Gusht 2023, 16:13, Sport CNA

Sa vjen edhe shtohen zërat për një transferim të Ernest Muçit te skuadra e Selta Vigos. Klubi i njohur i La Ligës është pranë blerjes nga Legia e Varshavës të sulmuesit të Kombëtares.

Ndërkohë pas kualifikimit në Ligën e Konferencës, trajneri i ekipit polak, gjermani Kosta Runjaiç ka reaguar ndaj këtyre thashethemeve për interesimin e Selta Vigos për Muçin.

Gjatë konferencës për shtyp, përveç ndeshjes, një nga pyetjet kishte të bënte me Ernest Muçin dhe emrin e klubit spanjoll. Trajneri gjerman u përgjigj me shaka, por theksoi se gjithçka mund të ndodhë deri në fund të afatit kalimtar të kësaj merkatoje.

“Ernest Muçi është një lojtar shumë i ri dhe interesant. Mund të bëni shaka se nëse e shesim për 25 milionë euro dhe marrim 22 milionë për Pauell Vuzolek, mund të sjellim katër lojtarë në skuadër. Në çështje të tilla, është më mirë të kontaktoni Jazek Zielinskin, (duke iu referuar drejtorit sportiv të ekipit që merret me merkaton). Transferimet janë pjesë e biznesit, por duhet të kujtojmë se ne jemi Legia e Varshavës, synimi ynë është të forcojmë ekipin, jo ta dobësojmë atë. Do të shohim se si do të shkojë në fund të afatit kalimtar të kësaj merkatoje”, tha Kosta Runjaiç në konferencën për shtyp.





Lajmet e fundit nga