web counter
LEXO PA REKLAMA!

SHKARKO APP

App Store
Google Play

E fundit!

x

Shkarkohet apo qëndron? Drejtori i Bayern-it zbulon të ardhmen e trajnerit Tuchel

15 Shkurt 2024, 11:39, Sport CNA

Kohët e fundit po përflitet shumë për një largim të mundshëm të trajnerit Thomas Tuchel, nga drejtimi i Bayern Munich. 

Titulli është drejt Bayer Leverkusenit, teksa të mërkurën erdhi edhe humbja në Champions League kundër Lazio-s, që fitoi 1-0. Duke e vështirësuar shumë misionin e kualifikimit në çerekfinale për kampionët e Gjermanisë, të cilët përballë skuadrës së Maurizio Sarrit nuk arritën të regjistronin asnjë gjuajtje në portën kundërshtare. Gjithsesi, tifozët e zemëruar duhet të presin ende, pasi drejtuesit e klubit më të madh gjerman nuk kanë ndërmend të ndahen me Tuchel-in, i cili u konfirmua në stol nga Christoph Freund, drejtori sportiv i Bayern-it.

“Thomas po lufton në këtë situatë, që është e vështirë për të gjithë. Objektivi ynë është të dalim të gjithë së bashku nga ky moment, jemi të gjithë në të njëjtën barkë”.

Sfida e kthimit me Lazio-n do të zhvillohet pas tri javësh (5 mars). Tashmë Bayerni ka detyrën të rikthehet te fitorja në kampionat. Për të rigjetur besimin e humbur dhe për të vijuar ndjekjen e Leverkusenit.

“Aspirinat” e Xabi Alonsos kryesojnë Bundesligën gjermane me 5 pikë më shumë se skuadra e Thomas Tuchel. Bayerni luan në Bochum të dielën (15:30).





Lajmet e fundit nga