web counter
LEXO PA REKLAMA!

SHKARKO APP

App Store
Google Play

E fundit!

x

Telashe për Interin/ Telefonata e Inzaghit dhe gishti i mesit, nis hetimi për zikaltërit

13 Shkurt 2024, 17:42, Sport CNA

 

Prokuroria Federale ka vendosur të hapë një çështje për telefonatën e famshme të skuadrës së Simone Inzaghit, i cili ishte i skualifikuar para ndeshjes Roma-Inter. Në fillim, nisur edhe nga sqarimi i menjëhershëm i zëvendëstrajnerit Farris, prokurori Giuseppe Chinè kishte menduar të mos procedonte.

Por pas lajmeve të shumta të publikuara në shtyp, të cilat sistemi i drejtësisë sportive i mban parasysh si pikënisje për nisjen e një hetimi, e shtynë atë të hetojë më tej. Në dritën e asaj që ndodhi të shtunën e kaluar në Olimpico - me deklaratat e Bastonit për telefonatën dhe mohimin më pas nga Farris i cili nënvizoi se ishte stafi teknik ai që veproi si ndërmjetës midis Inzaghit dhe lojtarëve, ky veprim i prokurorisë ishte i nevojshëm duhej të ndërmerrej.

Në fakt, do të jetë e vështirë të sigurohet prova për këtë thirrje të ndaluar telefonike. Megjithatë, Chinè do të dëgjojë personat e përfshirë, nga Bastoni te Inzaghi, në kërkim të konfirmimeve të mundshme dhe elementëve të rinj të provave.

Gjithashtu është konfirmuar edhe nisja e hetimit për gjestin ofendues të Acerbit për tifozët e Romës në tribunën Montemario. Edhe mbrojtësi i zikaltërve do të dëgjohet nga prokurori për të dhënë arsyet e veprimit të tij.





Lajmet e fundit nga