web counter
LEXO PA REKLAMA!

SHKARKO APP

App Store
Google Play

E fundit!

x

Rrezikohet derbi Partizani-Tirana, probleme në stadiumin “Air Albania”

12 Shkurt 2024, 11:16, Sport CNA

Tashmë jemi zyrtarisht në javën e derbit. Ditën e premte në orën 19:00 është parashikuar të luhet përballja mes Partizanit dhe Tiranës. Emocionet e kësaj superndeshjeje kanë nisur të “kaplojnë” të gjithë tifozët, të cilët për 90 minuta do të kenë fatin të shijojnë spektaklin e dhuruar në fushën e lojës nga dy ekipet me rivalitetin më të madh në vendin tonë.

Për shkak të emocioneve dhe spektaklit që garanton kjo sfidë, prania e tifozëve do të jetë e madhe dhe për këtë arsye është parashikuar të luhet në “Air Albania”. Por diçka e tillë nuk është ende përfundimtare dhe derbi rrezikon të mos luhet në arenën kombëtare.

Sipas shtypit të shkruar bëhet me dije se “Air Albania” ka disa probleme teknike. Në sektorin e tifozerisë vendase është thyer një pjesë e xhamit që bën ndarjen e tribunave. Si dhe në stadium mungojnë 18 stola. 11 stola te tribuna S, 4 stola te tribuna N, 2 të tjerë në këndore si dhe 5 stola te N. Deri ditën kur është parashikuar derbi të tilla probleme duhet në rregullohen, sidomos ajo e xhamit që bën ndarjen e tribunave. Në të kundërt derbi rrezikon të luhet në “Arenën e Demave”, i cili ka një kapacitet 4 mijë vendesh.





Lajmet e fundit nga