web counter
LEXO PA REKLAMA!

SHKARKO APP

App Store
Google Play

E fundit!

x

Humbja me Dinamon, Orges Shehi bën deklaratën e papritur

10 Shkurt 2024, 19:41, Sport CNA

Partizani u mposht me përmbysje nga Dinamo në transfertë, duke thelluar krizën e rezultateve që po kalojnë të kuqtë. Trajneri i “demave”, Orges Shehi u shpreh se skuadra po kalon një ngërç psikologjik, që po e pengon të japë më të mirën.

“Rezultati na ka futur në presion. Futja në presion ka një ngërç. Më vjen keq kur e humb ndeshjen. Në fazë mbrojtëse të marrësh dy gola në atë mënyrë. Te goli i parë qëndruan të gjithë poshtë linjës së topit. Nuk bëjmë presion si te lojtarët me top, por dhe te shoqërimi i portierit. E thash pak më parë që presioni, trysnia, na bënë që të futemi në një errësirë.

Varet se si e shikon gotën. Duke qenë pjesë e një klubi të madh dhe kërkesat janë maksimale. Kjo është humbja e dytë. Me Laçin kemi luajtur mirë. kemi bërë dy barazime dhe një fitore. Sot e çuam ndeshjen 1-0 shumë shpejtë.

Trysnia dhe presioni. Sapo pësojmë golin, skuadra fiket. Ndeshje të tjera kemi bërë performanca të mira. performanca e mirë duhet të konkretizohet me gol dhe rezultat. Edhe pse rezultati fut njerëzsit në presion. Nuk jam këtu të gjej justifikim te humbja. I pari i punës e merr përgjegjësinë vetë. në futboll po nuk ishe agresiv, po nuk pate atë gjendjen e alertit, po nuk vlerësove situatën, shkon në këtë pozitë ku jemi.

Nuk kemi ndryshuar shumë njerëz nga ndeshja e kaluar. Mungon Maget dhe duhet të fusim një mesfushor tjhetër. Ndërrimet ishin dhe për shkak të konsumit. Nuk menduam fare për më pas, por vetëm për ditën e sotme. Mendoj se ishim të gjithë për rendimentin.

Ismailaj është lojtar që ka ardhur tani. U rikthye Murataj nga kartonët. Pastaj për Albanin (Hoxha) e donim në fushë për shkak të prezencës. Pano (Qirko) mendoj se është portieri më i mirë i kampionatit tonë. por vetëm prezenca dhe eksperienca ishte, asgjë tjetër.

Mendoj se është ngërç psikologjik. Të pësosh gola të tillë nuk ka të bëjë ana fizike”, tha Shehi për “MCN”.





Lajmet e fundit nga