web counter
LEXO PA REKLAMA!

SHKARKO APP

App Store
Google Play

E fundit!

x

Probleme për Benzema-në, e përjashtojnë nga skuadra në Arabinë Saudite

14 Shkurt 2024, 11:40, Sport CNA

Karim Benzema nuk do të marrë pjesë në ndeshjen e Al Ittihad në Ligën e Kampionëve të Azisë. Siç dihet tashmë, më shumë se pesë futbollistë joaziatikë nuk mund të marrin pjesë në kompeticion dhe Marcelo Gallardo ka vendosur të përjashtojë ish-lojtarin e Realit të Madridit, i cili ka qenë në vështirësi javët e fundit, duke preferuar Ahmed Hegazy, N'Golo Kanté, Fabinho, Romarinho dhe Abderrazak Hamdallah për të garuar në fazën e 1/8-ve të finales kundër klubit uzbek Navbahor Namangan.

Siç raportohet nga "RMC Sport", fituesi i "Topit të Artë" të vitit 2022 u kthye vonë në stërvitje me shokët e tij të skuadrës pas disa javësh pasigurie të lidhura me një largim të mundshëm, të cilin ai megjithatë e mohoi. Pasi u rikthye në grup, sulmuesi ishte në qendër të debatit sepse duket se ai nuk pranoi të stërvitej i vetëm, siç i kishte kërkuar trajneri Gallardo.

Ndërkohë, Karim Benzema i është rikthyer përdorimit të rrjeteve sociale dhe tha për GQ: "Të jesh në Arabinë Saudite është një sfidë e re që më pëlqen: një projekt afatgjatë në një vend mysliman. Unë nuk jam vetëm një futbollist në Arabinë Saudite, unë jam gjithashtu një ambasador, jam këtu për të sjellë lojtarë të mëdhenj evropianë në të ardhmen e afërt, megjithëse ka tashmë të mëdhenj në ligën saudite, sfida jonë është ta sjellim atë në të njëjtin nivel me ligat evropiane."





Lajmet e fundit nga