web counter
LEXO PA REKLAMA!

SHKARKO APP

App Store
Google Play

E fundit!

x

Thyejnë rekord shitjet e biletave të Kupës së Botës të futbollit për femra

19 Korrik 2023, 10:52, Sport CNA
Thyejnë rekord shitjet e biletave të Kupës së Botës
Foto ilustruese

Shitjet e biletave për Kupën e Botës të futbollit për femra në Australi dhe Zelandën e Re kanë vendosur një rekord të ri, një ditë pas fillimit të turneut.

Rreth 1.4 milionë bileta janë blerë për 64 ndeshjet që do të zgjasin deri më 20 gusht, duke tejkaluar totalin rekord për turneun tetë vjet më parë në Kanada.

Kanë mbetur pak bileta për tri ndeshjet e grupeve të Anglisë. Interesi ka qenë gjithashtu i fortë për lojërat e Shteteve të Bashkuara, megjithëse disa kategori janë të disponueshme për ndeshjen e kampionëve në fuqi të botës kundër Portugalisë më 1 gusht në Eden Park me kapacitet 43,217 në Auckland.

Biletat për pesë ndeshjet në "Stadium Australia" në Sydney, duke përfshirë finalen e 20 gushtit, janë shitur të gjitha.

Ish-stadiumi olimpik në Homebush mban pak më shumë se 80,000 tifozë, por FIFA tha të mërkurën se kapaciteti i saj për turneun është 75,784.

Turneu i vitit 2015 në Kanada shiti 1,353,506 bileta, duke vendosur një rekord të ri në atë kohë.

Mesatarja më e lartë e frekuentimit për një Kupë Botërore për femra ishte 37,319 për SHBA-në 1999, e ndjekur nga Kina në 2007 me 37,218. Në Francë 2019, 40% e të pranishmëve ishin banorë të huaj që mbështesnin ekipet e tyre./ CNA





Lajmet e fundit nga