web counter
LEXO PA REKLAMA!

SHKARKO APP

App Store
Google Play

Ballkani kërkon kualifikimin në Champions, Daja: Nuk do të mbyllemi në mbrojtje, luajmë si në Prishtinë

19 Korrik 2023, 10:40, Sport CNA

Ballkani do të tentojë mbrëmjen e sotme, duke nisur nga ora 20:00, në transfertën ndaj Ludogoretsit, të ruajë diferencën me shifrat 2-0 të ndeshjes së parë dhe të sigurojë kualifikimin e madh në turin e dytë të Champions League.

Padyshim, skuadrën e Ilir Dajës e pret një ndeshje e vështirë në Razgrad të Bullgarisë, por avantazhi i ndeshjes së parë i jep një qetësi të konsiderueshme. Para kësaj ndeshjeje, për mediat ka folur trajneri i suharekasve, i cili shprehet se pavarësisht rezultatit të ndeshjes së parë, skuadra e tij nuk do të mbrohet.

“Në përballjen e parë e kishim studiuar kundërshtarin duke e respektuar maksimalisht, pasi bëmë futboll goxha të mirë në të gjitha aspektet. Bëmë lojën tonë, që rezultoi me sukses. Ne nuk do të mbrohemi, edhe pse kemi fituar 2-0. Do të punojmë në fazën e mbrojtjes, por edhe të sulmit, pasi mendojmë se Ludogoretsi do ta fillojë më furishëm takimin për shkak se është minus dy gola. Do ta bëjmë mbrojtjen, por ashtu siç e kemi bërë në Prishtinë”, ka thënë mes të tjerash Daja.





Lajmet e fundit nga