web counter
LEXO PA REKLAMA!

SHKARKO APP

App Store
Google Play

E fundit!

x

Shifrat e çmendura të merkatos, Premier League "bën pluhur" rivalët

2 Shkurt 2023, 09:14, Sport CNA

Shifrat e çmendura të merkatos, Premier League "bën

Premier League ka thyer çdo rekord shpenzimesh në merkaton e dimrit që sapo u mbyll, duke lënë pas të gjitha kampionatet kryesorë të Europës. Transferimi i Enzo Fernandez i mbyllur në momentet e fundit nga Chelsea, që i pagoi 121 milionë euro Benfikës, e çon shumën totale të investuar nga klubet e kampionatit të elitës të futbollit anglez në 815 milionë paund, 922 milionë euro,  nga të cilat 275 milionë janë shpenzuar vetëm në ditën e fundit të merkatos.

Ndërkohë, shuma e shpenzuar nga klubet angleze për merkaton kompleksive të sezonit 2022-2023, pra duke marrë parasysh edhe atë të verës së kaluar është 3.17 miliardë euro. Për të kuptuar diferencën e jashtëzakonshme me pjesën tjetër të Europës mjafton të përmendësh se në merkaton e dimrit vetëm Chelsea me rreth 326 milionë euro të shpenzuara, ka hedhur më shumë para se të gjitha klubet e të katër kampionateve të tjera kryesore, Bundesliga, La Liga, Serie A dhe Ligue 1.

Sipas shifrave të publikuara nga BBC që i ka marrë nga Deloitte, shuma e investuar vetëm në ditën e fundit të merkatos, 31 janar ishte superiore me 83% në krahasim me rekordin e mëparshëm të merkatos dimëore, që ishte 150 milionë paund të shpenzuara në 2018, ndërsa shuma totale e merkatos dimëore ishte thuajsi dyfishi i asaj të dimrit të 2018.

Veç të tjerash totali i shpenzimeve të klubeve të Premier League këtë dimër, përbën 79% të totalit të 5 kampionateve kryesorë të Europës. Superliga që askush se do praktikisht egziston dhe quhet Premier League, kampionati ku edhe skuadrat e nivelit të ulët, mund t’i lejojnë vetes shpenzime që klube të mëdha në Itali mund vetëm t’i ëndërrojnë.

Mbretëresha e merkatos është padyshim Chelsea. Enzo Fernandez u bë blerja më e shtrenjtë në historinë e Premier League, duke kaluar rekordin e mëparshëm të vendosur nga Manchester City me Jack Grealish për 115 milionë euro. Argjentinasi është goditja e 6-të më e shtrenjtë e merkatos në gjithë historinë pas Neymar, Mbappe, Dembele, Coutinho dhe Joao Felix.





Lajmet e fundit nga