Shifra të "çmendura"/ Ndeshjet e "Euro2024", sa kushtojnë biletat për të parë kombëtaren shqiptare dhe skuadrat e zemrës

28 Nëntor 2023, 16:13, Sport CNA

Shifra të "çmendura"/ Ndeshjet e "Euro2024", sa

Foto ilustruese

"Euro 2024" është planifikuar të zhvillohet nga 14 qershori deri në 14 korrik në 10 qytete të shtetit gjerman. Ndeshja hapëse do të luhet në “Fussball Arena” të Mynihut, ndërsa finalja e madhe do të luhet në “Olympiastadion” të Berlinit.

Kombëtarja shqiptare e futbollit është në mesin 20 skuadrave që do të luajnë në kampionatin europian që pritet të zhvillohet në verën 2024.

Por pyetja që na bën kurioz të gjithëve, aq më tepër tifozët është: Sa kushtojnë biletat për të ndjekur nga afër skuadrat e zemrës?

Për kategorinë "Fans First", (vendet që në stadium që janë të vendosura prapa portës), biletat për ndeshjet e grupit kushtojnë 30 euro. Për ndeshjen hapëse të kampionatit kushtojnë 50 euro për person, për ndeshjet e raundit 16, kushtojnë 60 euro për person. Ndërsa për gjysmëfinalet është 80 euro për person dhe për ndeshjen në finale 95 euro për person.

Për Kategorinë e 3 në stadium, që përfshin ulëset e vendosura në kënde dhe prapa portave: për ndeshjen e grupit bileta kushton 60 euro, për ndeshjet hapëse kushton 195 euro, për ndeshjet e raundit 16 kushton 85 euro, për ndeshjet e çerekfinales kushton 100 euro. Për gjysmëfinalet është 195 euro për person dhe për ndeshjen finale 300 euro për person.

Për Kategorinë e 2 në stadium që përfshin ulëset që janë të vendosura në kënde dhe prapa portës; ose në tribunën kryesore dhe përballë: për ndeshjen e grupit bileta kushton 150 euro, për ndeshjen hapëse kushton 400 euro, për ndeshjet e raundit 16 kushton 175 euro, për ndeshjet e çerekfinales kushton 200 euro. Për gjysmëfinalet është 400 euro për person dhe për ndeshjen në finale 600 euro për person.

Për Kategorinë e 1 në stadium përfshin ulëset janë të vendosura në tribunën kryesore dhe përballë; ose në blloqet e poshtme në qoshe: për ndeshjen e grupit bileta kushton 200 euro, për ndeshjen hapëse kushton 600 euro, për ndeshjet e raundit 16 kushton 250 euro, për ndeshjet e çerekfinales kushton 300 euro. Për gjysmëfinalet është 600 euro për person dhe për ndeshjen finale 1000 euro për person.

Shifra të "çmendura"/ Ndeshjet e "Euro2024", sa

Sa u përket vendeve Prime, në stadium, të cilat i përkasin Kategorisë 1, çmimet e biletave variojnë nga 400 euro për ndeshje grupi deri në 2000 euro për ndeshjen finale.

Shifra të "çmendura"/ Ndeshjet e "Euro2024", sa

Por më e rëndësishmja, sa kushtojnë biletat për të parë ndeshjet e kombëtares tonë të futbollit. Të cilat fillojnë nga 30 deri në 200 euro, sipas kategorive.

Për të parë ndeshjen e Shqipërisë dhe ndeshjen finale, me një paktë të plotë ku përfshihet argëtimi, ushqim dhe pije, UEFA ofron paketa me 9,150 euro.

Ndërsa për ata që kanë dëshirë të shohin ndeshjet e grupit me paketa kostoja shkon 5550 euro, përfshirë argëtimin, ushqimin dhe pijen.

Gjithçka është e detajuar në linkun e mëposhtëm: klikoni këtu. /CNA

Shifra të "çmendura"/ Ndeshjet e "Euro2024", sa