web counter
LEXO PA REKLAMA!

SHKARKO APP

App Store
Google Play

Sfida Skënderbeu-Dinamo/ Gvozdenoviç: Ndeshje delikate

20 Shkurt 2024, 21:25, Sport CNA

Sfida Skënderbeu-Dinamo/ Gvozdenoviç: Ndeshje delikate

Pas dy fitoreve me ekipin e Kukësit dhe të Erzenit, Skënderbeu do të luajë të mërkurën ndeshjen e shtyrë për shkak të kushteve atmosferike, kundër ekipit të Dinamos.

Në konferencën me mediat, trajneri Gvozdenoviç ka komentuar ndeshjen e rradhës duke e konsideruar si ndeshje delikate.

“Dy javë, 6 pikë janë shumë mirë, kundër Kukësit dhe kundër Erzenit, dy skuadra që ishin afër me pikët. Me Kukësin ishte ndeshje e vështirë, edhe jashtë me Erzenin e vështirë, por jemi shumë të kënaqur e të lumtur me gjashtë pikët. Jemi në rrugë të duhur.

Nesër kemi prapë një ndeshje delikate, shumë të rëndësishme për ne sepse kemi nevojë për pikët. Jemi afër mbarimit të fazës së tretë, dhe pastaj kemi fazën e katërt dhe çdo ndeshje për ne është shumë e rëndësishme.

Delikate sepse Dinamo është në formë të mirë, në 4-5 javët e fundit skanë humbur asnjëherë, luajnë mirë dhe fituan kundër Partizanit. Kishin barazuar me Laçin jashtë, ka një formë të mire”, tha trajneri.

Dy janë mungesat në ekip, Shaqe dhe Pecani, për shkak të dëmtimeve, ndërsa në lojë do te jetë prej minutës së parë Liçi dhe Dumfur.

"Shaqe është akoma jashtë, dhe Pecani, Dumfur me Deanin janë gati dhe kjo është plus për skuadrën. Sot kemi stërvitjen e fundit, dhe bashkë me stafin do vendosim për formacionin. Mendojmë vetëm javë për javë, si do luajmë bukur, si do merren pikët, deri tani jemi qetë, dhe nesër mund të flasim vetëm për Dinamon", u shpreh ai.

Për trajnerin e Skënderbeut, fusha korçare është avantazh për ekipin pasi ka edhe mbështetjen e tifozëve.

"Fusha është pak avantazh, sepse jemi brenda Korçës, jam i sigurt se dhe nesër do bëjmë një atmosferë të mirë me tifozat", tha trajneri./ CNA

 

 





Lajmet e fundit nga