web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen prapaskenat, përplasje e ashpër mes presidentit Halili dhe trajnerit Ahmataj

20 Shkurt 2024, 09:52, Sport CNA

Julian Ahmataj dhe Tirana mësohet se kanë ndarë rrugët mes tyre, ndonëse mungon zyrtarizimi nga ana e klubit. Trajneri i ri i bardhebluve pritet të jetë Erbim Fagu, i cili siç duket ka besimin e presidentit Refik Halili.

Për shkarkimin e Ahmatajt janë zbuluar edhe prapaskenat që çuan deri në këtë pikë. Humbja në derbi siç duket ka mbushur “kupën” e drejtuesve, të cilët nuk po e “kapërdijnë” dot. Oshilacionet dhe forma e dobët e ekipit në këtë sezon kanë bërë që skuadra të rrezikojë edhe “Final Four”.

Ditën e djeshme, nga sa mësohet nga shtypi i shkruar, ka pasur një takim mes Halilit dhe Ahmatajt, ku është diskutuar për gjendjen e skuadrës. Palët kanë diksutuar mes tyre me tone të ashpra, ku kreu i klubit akuzon trajnerin për formën e dobët të skuadrës, ndërsa timonieri i bardhebluve nuk e ka pranuar një akuzë të tillë.

Në këto kushte Halili ka kërkuar nga trajneri të japë dorëheqjen, gjë e cila sërish nuk është pranuar nga Ahmataj. Në të tilla kushte ky i fundit është shkarkuar, ndonëse mungon edhe zyrtarizimi. Palët kanë prishur kështu marrëdhënien mes tyre dhe tashmë pritet vetëm zyrtarizimi i trajnerit të ri para sfidës me Teutën, takim që do të luhet ditën e sotme në orën 17:00 dhe është i vlefshëm për çerekfinalen e Kupës së Shqipërisë.





Lajmet e fundit nga