web counter
LEXO PA REKLAMA!

SHKARKO APP

App Store
Google Play

E fundit!

x

Rritet shqetësimi në Gjermani për portierin Manuel Neuer, dëmtimi i tij vazhdon…

27 Tetor 2022, 19:03, Sport CNA

I padisponueshëm për gati tre javë për shkak të dhimbjeve të forta në shpatullën e djathtë, shkaktuar gjatë një seance stërvitore, Manuel Neuer, u rikthye këtë të enjte në mesditë në seancën e tij të parë individuale te Bayern Munich. Mirëpo, pikërisht në këtë stërvitje, kapiteni i Mynihut ndjeu edhe një herë shumë dhimbje duke e detyruar të kthehej në dhomat e zhveshjes pas vetëm dhjetë minutash.

Më 6 tetor, ai u plagos në një paradë, por kishte dashur me çdo kusht të luante ‘Klasiker’-in e Bundesligës ndaj Dortmund (2-2) dy ditë më vonë, madje edhe pse ishte i dëmtuar. Një zgjedhje që rezultoi e gabuar.

Neuer shpresonte të kthehej në garë të shtunën në kampionatin kundër Mainz (java e 12-të). Ai tani nuk është më i sigurtë se do të luajë përsëri para Kupës së Botës (20 nëntor-18 dhjetor) dhe as prania e tij në Katar nuk është e garantuar.

Një situatë që portieri gjerman e njeh mirë. Në javët përpara Kupës së Botës 2014 dhe 2018, ai ishte jashtë fushës për javë të gjata, për shkak të një thyerjeje të këmbës së djathtë dhe problemeve të muskujve të kofshës. Megjithatë ai në fund do të ishte gati, si në Brazil, por edhe në Rusi.





Lajmet e fundit nga