web counter
LEXO PA REKLAMA!

SHKARKO APP

App Store
Google Play

E fundit!

x

Titullari i Partizanit nuk “ngopet” me golat: Janë pak për ne, sa e vështirë të luash në kryeqytet

27 Tetor 2022, 12:55, Sport CNA

Titullari i Partizanit nuk “ngopet” me golat: Janë pak për

Partizani i këtij sezoni po bën mjaft mirë. Të kuqtë e drejtuar nga trajneri Giovani Colella kanë arritur të mbajnë vendin e parë edhe pas përfundimit të fazës së parë të këtij edicioni futbollistik.

Për situatën e kryeqytetasve ka folur në një prononcim për mediet Elion Sota. Qendërmbrojtësi ka fituar vendin e titullarit duke qenë stabël bashkë me Eneo Bitrin. Ai është shprehur optimist duke deklaruar se skuadra e këtij sezoni është më e mira nga gjithë rivalët. Në fjalën e tij për mediet, Sota ka thënë:

“Vështirësia është për të arritur vendin e parë, por e vështirë është edhe për ta mbajtur, pasi të gjitha ekipet e tjera bëjnë presion për t’u afruar dhe për të marrë kreun e tabelës. Këtë vit kampionati është i vështirë pasi çdo ekip mund të marrë pikë, mund të fitojë.

Po, pak a shumë po, por çdo ekip luan për vete, nuk është se luan për ne. Fillimisht nderin Erzeni ia bëri vetes pastaj ne.

Në fakt janë shumë pak për një ekip si Partizani që synon titullin. Por siç e kemi thënë, edhe trajneri, mjafton të krijojmë rastet pasi golat do të vijnë. Ka qenë ajo pjesa e fatit.

Ka qenë e vështirë në fakt se kur je me ekipe të mëdha si Partizani, konkurrenca është e lartë, sidomos në repartin tim ku kishte lojtarë me eksperiencë që kishin shumë vite këtu. Thjesht me durim, gjërat vijnë.

Gjithmonë kam dashur vetëm të luaj. Por nuk e kam menduar të largohem nga Partizani, sepse ekip më të mirë në Shqipëri se Partizani nuk besoj se gjen.

Eshtë një ndeshje e vështirë. Egnatia është shumë ekip i mirë, ka marrë trajner me shumë eksperiencë që njeh mjaft mirë kampionatin. Do të jetë një ndeshje shumë e vështirë dhe ne do ta vlerësojmë maksimalisht”.





Lajmet e fundit nga