E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Rrëfehet Donaruma: Ju tregoj idhullin tim të madh, Ibra është i çmendur!

21 Korrik 2022, 12:50, Sport CNA

Rëndësia e Ibrahimoviçit në dhomën e zhveshjes së Milanit është diskutuar prej kohësh. Ka gjithashtu shumë nga lidershipi i tij, dhe sigurisht nga lojërat e tij, pas ngritjes së Milanit në majat e futbollit italian. Jo çuditërisht, pavarësisht dëmtimit që do ta mbajë jashtë për muajt e ardhshëm, kuqezinjtë kanë zyrtarizuar rinovimin e kontratës së tij ditët e fundit.

Xhanluixhi Donaruma, i cili ishte bashkëlojtar i tij para se të transferohej te Paris Saint-Germain, e di mirë këtë. “Ibra më ka ndihmuar shumë, ai ka një mentalitet të jashtëzakonshëm që të shtyn të rritesh, njësoj si Verratti.

Kush është më i çmenduri mes tij dhe Marcos? Zlatani është shumë i çmendur (qesh), edhe nëse është fjalë e madhe. Ai është një djalë shumë i mirë”, – tha portieri në intervistën e dhënë për shtypin francez (Carré). Fjalë zemre edhe për PSG-në: “Jam shumë i emocionuar që jam pjesë e këtij ekipi, pasi bashkëlojtarët e mi synojnë të fitojnë gjithçka”.

Një nga fotot më të famshme të triumfeve të fundit europiane është fytyra e padeshifrueshme e Donaruma, pasi priti penalltinë që ia vlente fitoren e Italisë ndaj Anglisë në finale. “Nuk është e vërtetë që nuk e kuptova që kishim fituar, – shpjegoi ai, – por në atë moment gjithçka që të kalon në kokë është e pabesueshme. Më pas e kupton se çfarë ndodhi në të vërtetë, por në ato momente jo. Ishte një emocion i papërshkrueshëm që do ta mbaj gjithmonë me vete”.

Fati është që mes mentorëve të tyre kanë pasur edhe idhullin e jetës: “Buffon ka qenë gjithmonë legjenda ime, ai është më i forti nga të gjithë dhe është italian. E kam dëgjuar shumë herë gjatë Kampionatit Europian dhe kur ishim bashkë në kombëtare, më ka dhënë shumë këshilla edhe për transferimin tim në Paris. Faleminderit për këtë”.

Donaruma mori pjesë në ndeshjen miqësore të fituar nga PSG 2-1 kundër Kawasaki, e luajtur në orët e para të pasdites në stadiumin e ri kombëtar.