web counter
LEXO PA REKLAMA!

SHKARKO APP

App Store
Google Play

E fundit!

x

E pesta në planet! Luiza Gega “gdhend” emrin e Shqipërisë në finalen e Botërorit të Atletikës

21 Korrik 2022, 11:56, Sport CNA

Luiza Gega është një nga femrat më të shpejta të botës në 3000 metra me pengesa.

Atletja e njohur shqiptare është renditur e 5-ta në finalen e Botërorit të Atletikës, në një garë ku shkëlqeu me performancën e saj.

Në pistë, Luiza tregoi sërish se është sportistja më e mirë shqiptare, duke regjistruar kohën 9:10.04 dhe automatikisht rekord të ri kombëtar në këtë disiplinë. Madje, Gega e ul rekordin me më shumë se 4 sekonda, çka do të thotë se koha e realizuar prej saj në këtë Botëror është fantastike.

Rekordi i mëparshëm në këtë disiplinë mbahej po nga Luiza Gega me kohën 9:14.29 dhe u vendos më 1 korrik, në Lojërat Mesdhetare, “Oran 2022”.

Gjithashtu, presidenti i Shqipërisë, Ilir meta, ka bërë një postim në "Facebook" duke përgëzuar Gegën për këtë arritje historike.

“E pesta në botë!
Sukses i jashtëzakonshëm i kampiones, Luiza Gega në finalet e Botërorit!
Urimet më të përzemërta për këtë arritje të shkëlqyer për Atletikën tonë!”





Lajmet e fundit nga