web counter
LEXO PA REKLAMA!

SHKARKO APP

Rezultoi pozitiv me doping, kërkohet pezullim për 4 vite për Paul Pogba-në

8 Dhjetor 2023, 08:47, Sport CNA

Prokuroria e antidopingut ka kërkuar dënim me 4 vjet për Paul Pogba-në, i cili doli pozitiv me dehidroepiandrosteron pas ndeshjes Udinese-Juventus më 20 gusht. Pogba u pezullua më 12 shtator dhe që prej asaj dite nuk ka shkelur ‘fushë me këmbë’.

Nuk ka asnjë marrëveshje për pranimin e fajësisë, në kundërshtim me atë që ishte përfolur javët e fundit. Mesfushori francez do të shkojë në gjyq përpara gjykatës kombëtare antidoping dhe të përballet me vendimin final.

Pak javë më parë agjentja e tij, Rafaela Pimenta, tha: “Ne po përgatisim një apel. Si avokat jam personi i parë që them se nëse diçka duhet të diskutohet në një nivel ligjor, duhet të qëndrojë atje. Sigurisht që nuk humbas shpresën.”

Gjyqi pritet të fillojë pas rreth një muaji e gjysmë. Me marrëveshjen për pranimin e fajësisë nuk do të kishte pasur mundësi apelimi, megjithatë në këtë rast mund të hynte në lojë edhe CAS e Lozanës më vonë.

Nëse një dënim i tillë prej 4 vitesh pezullim vihet në fuqi, mund të sjellë edhe fundin e karrierës për Paul Pogba-së, i cili është në moshën 30-vjeçare tani dhe vjen pas një serie dëmtimesh të rënda.





Lajmet e fundit nga