E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Skënderbeu fiton ndaj Turbinës/ Gvozdenoviç vlerëson lojtarët

6 Dhjetor 2023, 20:13, Sport CNA

Skënderbeu fiton ndaj Turbinës/ Gvozdenoviç vlerëson

Ivan Gvozdenoviç

Pas fitores me ndeshjen kundër Turbinës për Kupën e Republikës, trajneri i Skënderbeut Ivan Gvozdenoviç është shprehur mjaft i kënaqur për lojën e bërë nga ekipi si edhe për golat e shënuar. Ndërsa pyetet nga gazetarët për formacionin e dytë që vendosi sot në lojë, Gvozdenoviç është shprehur se Skënderbeu është vetëm një ekip dhe lojtarët kanë treguar se janë në gjendje të mirë.

"S'kemi ekip të parë ose të dytë, jemi Skënderbeu dhe unë kam 25 lojtarë. Bravo sot për lojtarët me pak minuta, luajtën mirë dhe seriozë e kjo për mua është shumë e rendësishme. Ishim shumë agresivë, shënuam 4 gola dhe ishte shumë pozitive. Tani kemi edhe 3 ndeshje të tjera, kemi lojtarë me kartona, lojtarë me pak probleme, tani duam të gjithë lojtarët të bëhen gati. Sot ata e treguan në fushë që janë gati. Deri tani jemi mirë, jo vetëm sepse shënuam sot 4 gola, por edhe me vrapim, me disiplinë, me agresivitet.", tha Gvozdenoviç.

Trajneri serb ka komentuar sa i përket edhe lojtarëve që mbeten jashtë kundër Partizanit, Rashica i dëmtuar, dhe Nikaj me plotësim të numrit të kartonave të verdhë, ndërsa thotë se do të shohin opsionet për vendosjen e lojtarëve të gatshëm në sulm.

"Ky është lajm i keq për ne por kjo është situata. Tani mendoj vetëm si të gjej një opsion të mirë. Patjetër që mungesa e Nikaj me kartona dhe Rashica me dëmtim është minus për ne, por prapë jam edhe pak qetë sepse lojtarët e tjerë e treguan që janë gati. Në fazën e sulmit kemi Muharrem, Moses plus Lika është gati, shpresoj edhe Franklin sepse ishte me pikëpyetje deri sot. Do gjejmë opsionin e duhur.", u shpreh ai.

Skënderbeu ja doli të fitonte sot kundër ekipit të Turbinës, me rezultatin 4-0. Një lojë e bukur e bardh e kuqve, me golat e shënuar nga Merlim, Muharremi dhe Moses. Gjatë ndeshjes ka patur edhe incident mes trajnerit të Turbinës dhe tifozëve korçarë, ku nuk kanë munguar as ofendimet dhe sharjet./ CNA