web counter
LEXO PA REKLAMA!

SHKARKO APP

App Store
Google Play

E fundit!

x

Sfida ndaj Turbinës / Frashëri: Objektiv për ne, kupa dhe kampionati

5 Dhjetor 2023, 17:14, Sport CNA
Sfida ndaj Turbinës / Frashëri: Objektiv për ne, kupa dhe
Erlis Frashëri

Ndeshja e radhës sa i përket Kupës së Republikës do të zhvillohet ditën e nesërme në stadiumin Skënderbeu me ekipin e Turbinës.

Një ndeshje që krahas superiores kërkon po aq përkushtim nga lojtarët të cilët janë stërvitur pas fitores me ndeshjen kundër Erzenit.

Në konferencën për mediat, kapiteni i ekipit bardh e kuq, Erlis Frashëri, ka treguar se ekipi ka patur luhatje me Kukësin, por fitorja me Erzenin tregon që janë në një gjendje shumë të mirë dhe të sinkronizuar në grup për të arritur edhe më lart.

“Detyrimisht kemi bërë detyrën në shtëpinë tonë duke fituar ndaj Erzenit, kemi treguar që kemi forcën e grupit dhe shpresoj të vazhdojmë kështu. Çdo ndeshje është e rëndësishme, duhet të jemi me këmbë në tokë dhe në renditje sa më lart.

Ndeshja me Kukësin është e vërtetë që ka patur luhatje pjesën e dytë, vijmë nga dëshira e madhe për të fituar ndeshjen dhe besoj se tërhiqemi shumë mbrapa. Në ndeshjen me Erzenin nuk jemi treguar njësoj si me Kukësin, por janë episode të vogla që i ndodh çdo ekipi, edhe një ekipi të madh në Europë.

E thashë që forca e grupit tregoi që jemi mirë, punojmë fort në stërvitje dhe në ndeshje kemi treguar që jemi për më lart”, tha Frashëri.

Sa i përket ndeshjes së radhës për kupë, Frashëri ka treguar se objektiv për lojtarët dhe klubin është jo vetëm superliga por edhe kupa e republikës. Ai ka theksuar faktin se janë duke dhënë maksimumin, plot 25 lojtarë të gatshëm për të luajtur, dhe kërkojnë padyshim fitoren me Turbinën.

“Të them të drejtën nuk e mendojmë fare për renditjen, ne bëjmë detyrën dhe në çdo ndeshje duam të japim maksimumin, të punojmë fort dhe besoj se çdo ndeshje ta marrim si një finale për të arritur sa më lart.

Për Skënderbeun është objektiv kupa e kampionati, nesër duam të fitojmë e të kualifikohemi më tej. Skënderbeu është krijuar për trofe, për të ecur sa më lart, janë çunat që tregojnë grind e karakter të fortë si në stërvitje edhe në ndeshje dhe besoj shumë që do të ecim shumë lart, por me këmbë në tokë se kampionati është i gjatë.

Grupi është i plotë, jemi 25 lojtarë, kush ka luajtur ka dhënë maksimumin në fushë. Unë nuk e kam problem këtë pjesë, i takon trajnerit, kudo që të luaj jap maksimumin, si kapiten i ekipit i jam gjendur pranë çunave. Problemi është të marrim fitoren dhe pikët, skemat i di trajneri.

Atmosfera është shumë e mirë, si ky grup nuk e ka patur Skënderbeu në kompeticione europiane, siç e thashë janë çuna të rinj, dy veta jemi me eksperiencë e në moshë të madhe të themi, i shoh shumë të bashkuar dhe grupi po e tregon që do ecim sa më lart”, u shpreh ai.

Ndeshja do të luhet të mërkurën, në orën 13:00 në stadiumin Skënderbeu./ CNA





Lajmet e fundit nga