web counter
LEXO PA REKLAMA!

SHKARKO APP

App Store
Google Play

E fundit!

x

Kaos te Tirana/ U rikthye nga dëmtimi i rëndë, sulmuesi rrezikon të mungojë 3 muaj të tjerë

5 Dhjetor 2023, 10:04, Sport CNA

Te Tirana duket se nuk po gjejnë qetësi sa u takon dëmtimeve. Lojtarë të rëndësishëm te bardheblutë janë dëmtuar dhe tashmë vazhdojnë rikuperimin e tyre.

I fundit që i shtohet listës së dëmtimeve është Patrick. Braziliani sapo u rikthye në fushën e blertë, pas 8 muajsh mungesë për shkak dëmtimi. Tashmë lojtari ka pësuar sërish një dëmtim dhe rrezikon të mungojë gjatë.

Në ditët në vazhdim pritet që sulmuesi t’u nënshtrohet vizitave mjekësore për të mësuar edhe shkallën e dëmtimit, por nga pamja e parë duket se lojtari ka probleme me ligamentin dhe mbase i duhet të bëjë sërish një ndërhyrje kirurgjikale dhe nëse diçka e tillë ndodh, atëherë lojtari mund të rikthehet nga fundi i shkurtit ose fillimi i marsit.

Julian Ahmataj dhe stafi i tij “kryqëzojnë gishtat” që për lojtarin të mos ketë një dëmtim serioz, pasi braziliani është një element kyç për kryeqytetasit. Kujtojmë se u rikthye në fushë në sfidën me Kukësin, ku bardheblutë triumfuan 3-2 dhe Patrick asistoi në dy raste duke ndihmuar kështu skuadrën e tij të siguronte fitoren.





Lajmet e fundit nga