web counter
LEXO PA REKLAMA!

SHKARKO APP

App Store
Google Play

Barazimi në derbi, Abilaliaj: Ja pse luajta me futbollistët që nuk ishin në formë

3 Dhjetor 2023, 21:40, Sport CNA

Trajneri i Partizanit, Arbër Abilaliaj, foli pas ndeshjes ku skuadra e tij barazoi në derbi ndaj Tiranës.

Abilaliaj deklaroi se nuk është i kënaqur me barazimin, ndërsa zbuloi edhe arsyen përse luajti në pjesën e parë me lojtarët që nuk ishin në formë optimale.

"Nuk jam i kënaqur me barazimin. Kam keqardhje për mënyrën si rrodhën ngjarjet,. E rëndësishme është që derbin të mos e humbësh, nëse nuk e fiton. Nuk jam i kënaqur. Pika nuk na bën punë. Nuk jam i kënaqur për mënyrën si 3-4 futbollistë e interpretuan ndeshjen. Rezerva kam edhe për arbitrimin, pasi 20 minuta lojë aktive u luajt në pjesën e parë.

Na mungonin pikat e referimit në mbrojtje. Morëm kosto duke luajtur me lojtarë që nuk ishin në formë optimale në pjesën e parë, duke ditur që në të dytën Tirana bie. Në të dytën luajtëm ofensivë.

Ishim të shqetësuar për mënyrën si po e interpretonin lojën lojtarët e qendrës sonë. E kishim llogaritur që Tirana do binte pas minutës 55-60 dhe ashtu ndodhi.

Tre lojtarë ndoshta nuk do ishin në fushë, nëse do ndryshoja. Nëse do e bënim këtë, do ishim të cunguar në pjesën e dytë. Mund ta nisnim me lojtarët pa probleme, por do ishim të cunguar në të dytën.", deklaroi Abilaliaj. 





Lajmet e fundit nga