web counter
LEXO PA REKLAMA!

SHKARKO APP

App Store
Google Play

 Ahmataj: Barazimi i shërben Partizanit, duhet të vazhdojmë kështu

3 Dhjetor 2023, 21:29, Sport CNA

Trajneri i Tiranës, Julian Ahmataj, foli pas derbit ndaj Partizanit, ku skuadra e tij barazoi 1-1.

Ahmataj deklaroi se e kishin studiuar mirë kundërshtarin, ndërsa shtoi se finalizimi ishte i dobët. Sipas tij, ky presion i duhet Tiranës, sepse e ndihmon skuadrën në vijim për tu rritur.

"Derbit janë gjithmonë të vështirë. E kishim studiuar mirë kundërshtarin. Skuadra sa vjen dhe ngrihet. Finalizimi ishte i dobët. Mund ta kishim zgjidhur ndeshjen. Jam i mërzitur që nuk fituam. Kundërshtari na shënoi në një rast që kishte.

Nuk duhet të ulim ritmin, sepse ky presion na bën mirë. Te Tirana duhet çdo javë presion dhe duhet të vazhdojë në vazhdim, që të rritemi në nivelin e performancës.

Në pjesën e dytë, kundërshtari do shtynte më lart dhe duhet të ishim të kujdesshëm, siç edhe ishim. Nga kjo na u hapën hapësira dhe kishim raste më të pastra. Partizani shtoi forcat në sulm, por ne kishim 4 lojtarët e mbrojtjes që merrej me ta. Kartonët e Metës dhe Dokës, na bënë të brishtë, pasi kishin frikë se dilnin me të kuq.

Nuk mund të bëja gjë ndryshe. Loja po shkonte mirë, kundërshtari nuk ishte në zonat e rrezikshme. Këto mund të na vinin nga krosimet, por edhe aty i kishim marrë masat.

Në fillim, ishte strategji për të studiuar kundërshtarin. Barazimi mendoj se i shërbeu kundërshtarit, por ne na shërbeu loja. Kishte vetëm dy episode. Duhet të vazhdojmë kështu, të kemi progresionin në rritje.", tha Ahmataj për MCN. 





Lajmet e fundit nga