web counter
LEXO PA REKLAMA!

SHKARKO APP

App Store
Google Play

Rezultatet/ Kombëtaret “big” dhurojnë spektakël, surpriza dhe gola të shumtë

26 Mars 2024, 23:44, Sport CNA

Kjo e martë, rezervoi disa miqësore spektakolare mes kombëtareve të njohura.

Padyshim që vëmendja ishte te përballjet “big”, Gjermani-Hollandë, Angli-Belgjikë dhe Spanjë-Brazil, por nuk mungonin as duelet e tjera interesante.

Gjermania regjistroi një tjetër performancë pozitive, teksa mbrëmjen e sotme likuidoi Holandën me rezultatin 2-1 në testin e zhvilluar në Frankfurt.  

Duel emocionues mes Anglisë dhe Belgjikës. Një test miqësor që prodhoi plot 4 gola, por nuk pati fitues, pasi rezultati i sigluar në fund ishte 2-2. 

Miqësore spektakolare me 6 gola mes Spanjës dhe Brazilit në “Santiago Bernabeu”. Plot 3 penallti të akorduara, 2 për iberikët dhe një për kombëtaren “selçao”, teksa goli i shënuar me 11-metërsh nga Paketa “sigloi” shifrat në 3 me 3. 

Franca mposhti Kilin me rezultatin 3-2. “Gjelat” vinin në këtë duel pas disfatës ndaj Gjermanisë, ndërkohë që Kili kishte mposhtur me 3 gola Shqipërinë.  

Në përballjet e tjera, spikati fitorja 2-4 e Kroacisë ndaj Egjiptit, si dhe triumfi 0-1 i Zvicrës, falë golit të Shaqirit. Rezultati surprizë i mbrmjes ishte padyshim fitorja 6-1 e Austrisë ndaj Turqisë, si dhe humbja 2-0 e Portugalisë ndaj Sllovenisë.





Lajmet e fundit nga