web counter
LEXO PA REKLAMA!

SHKARKO APP

App Store
Google Play

Europiani "kalon" nga Zvicra, Shqipëria U-21 kërkon fitoren

26 Mars 2024, 11:12, Sport CNA

Europiani "kalon" nga Zvicra, Shqipëria U-21 kërkon fitoren

Shqipëria U-21 luan sot një ndeshje vendimtare në kualifikueset e Europianit, siç është ajo me Zvicrën.

Një takim shumë i rëndësishëm për kuqezinjtë e Alban Bushit, që do të kërkojnë me çdo kusht fitoren.

Pas barazimit pa gola me Finlandën pak ditë më parë, te Shqipëria duan të rikthehen te fitorja dhe përballë kanë kryesuesit e grupit.

Në rast të një fitoreje, Shqipëria do të ngjitej në vendin e parë në renditje për kualifikueset e "Euro 2025". Aktualisht skuadra e Bushit mban vendin e tretë në renditje me 10 pikë, po aq sa edhe Rumania e vendit të dytë dhe një pikë më pak se Zvicra kryesuese.

Mungesë e rëndësishme për ndeshjen e sotme do të jetë mbrojtësi i djathtë, Geralb Smajli. Futbollisti i Vllaznisë ka shfaqur probleme fizike dhe për këtë arsye është larguar nga grumbullimi.

Pjesa tjetër e lojtarëve janë gati për këtë përballje të vështirë. Ndeshja do të luhet në stadiumin “Air Albania” në orën 17:00 dhe hyrja do të jetë falas, me kuqezinjtë e vegjël, që shpresojnë të kenë mbështetje masive nga tifozët.

Barazimi me Finlandën është konsideruar si hap fals për Shqipërinë dhe fitorja sot ndaj helvetëve është detyrim, nëse vërtetë duan kualifikimin për në Europian.

Shqipëria ndodhet në Grupin E, së bashku me Zvicrën, Rumaninë, Finlandën, Malin e Zi dhe Armeninë.

Ndeshjen e radhës kuqezinjtë do ta kenë pikërisht ndaj Zvicrës në transfertë, më 6 qershor të këtij viti.





Lajmet e fundit nga