web counter
LEXO PA REKLAMA!

SHKARKO APP

App Store
Google Play

E fundit!

x

Broja, "kokë më kokë" me Manajn. Silvinjo bën ndryshime në formacion

25 Mars 2024, 11:03, Sport CNA

Broja, "kokë më kokë" me Manajn. Silvinjo bën

Trajneri i Shqipërisë, Silvinjo, pritet të bëjë disa ndryshime në formacion për miqësoren me Suedinë, ashtu siç e tha edhe në konferencën para ndeshjes.

Tekniku kuqezi kërkon të ketë një ide të qartë për të gjithë lojtarët e grumbulluar dhe për këtë arsye, do t'i japë minuta nga fillimi.

Në portë pritet të luajë sërish Tomas Strakosha, për shkak se Etrit Berisha nuk do të rrezikohet pas dëmtimit të lehtë të kaluar. Nuk ka dyshime për Gjimshitin në mbrojtje, ndërsa ka balotazh mes Kumbullës dhe Mihajt, me këtë të fundit që duket i avantazhuar.

Nuk ndryshon krahu i majtë, me Mitajn që do të luajë nga minuta e parë, ndërsa në të djathtë, Balliu pritet të ulë në stol Elseid Hysajn.

Nuk ka asnjë dyshim për dyshen e mesfushës para mbrojtjes. Asllani dhe Ramadani duken të paprekshëm në atë repart.

Me shumë mundësi, në këtë takim do të ndryshojë i gjithë reparti i sulmit. Në majën e sulmit është projektuar Armando Broja, i cili po duelon për një vend me Rey Manajn.

Në krahun e majtë të sulmit, me shumë mundësi do të luajë Arbër Hoxha, që duket se ka fituar balotazhin me Seferin. Muçolli dha shenja pozitive në miqësoren me Kilin dhe trajneri Silvinjo pritet ta aktivizojë në krahun e majtë, në vendin e Jasir Asanit. Në rolin e fantazistit, do të luajë Ernest Muçi, që i merr vendin Nedim Bajramit.

Lojtarët do të kërkojnë të bindin trajnerin Silvinjo, për të shpresuar më pas në një ftesë për Europianin, që është ëndërr e të gjithëve. Megjithatë nuk do e kenë të lehtë, pasi përballë është një kundërshar tejet i vështirë si Suedia, që në shtëpi i ka hapur probleme shumë ekipeve.





Lajmet e fundit nga